КіруҒасыр жасаған ардагерге құрмет көрсетті
Жеңістің 80 жылдығы қарсаңында Қазақстан Республикасы Ұлттық ұланы “Батыс” өңірлік қолбасшылығының қолбасшысы, генерал-майор Бекайдар Қазкеев ғасыр жасаған Ұлы Отан соғысының ардагері, 101 жастағы Скаленко Вениамин Пантелеевичті арнайы құттықтап, сый-сияпатын табыс етті.
Қарияны құттықтауға арнайы келген ұландықтарға ардагер ерекше ілтипат білдіріп, соғыс жылдарындағы естеліктерімен бөлісті.
— Сол бір сұрапыл жылдар алыстаған сайын оның ауыртпалығын сезіну де ерекше бола түседі. Біз майдан даласында ел мен жер үшін шайқастық. Өмірден түйгенім — әрқашан айналаңдағыларға жақсылық жасау керек. Себебі жасаған жақсылығың Алладан қайтады, — деп сөзін қорытындылады ардагер Вениамин Пантелеевич.
Қолбасшы Бекайдар Қазкеев соғыс және еңбек ардагеріне алғыс айтып, оның ерлігі мен өмір жолы бүгінгі буын үшін зор үлгі екенін атап өтті.
— Сіздер жасаған ерлік – мәңгілік. Біз, кейінгі ұрпақ, бейбіт өмірдің қадірін біліп, сіздердің аманаттарыңызды адал атқаруымыз керек. Бүгінгі жас сарбаздар үшін сіздердің батырлық жолдарыңыз – нағыз өнеге. Ұлттық ұланның әрбір әскери қызметшісі өз борышын адал атқарып, Отанды қорғау жолында аянбай қызмет етеді, — деді генерал-майор Бекайдар Қазкеев.
Іс-шара барысында әскери бөлімнің өнерпаздары соғыс жылдарындағы әндерді орындап, ардагерге ерекше көңіл-күй сыйлады. “Катюша” және “День Победы” әндері шырқалған сәтте Вениамин Пантелеевич те, генерал-майор Бекайдар Қазкеев те өнерпаздармен бірге қосыла ән шырқады. Бұл әсерлі сәт майдангерлер рухының өшпес белгісіндей болып, бейбіт өмірдің қадірін сезінудің тағы бір айқын көрінісіне айналды.
Кездесу соңында ардагер қонақтарға ақ батасын беріп, еліміздің тыныштығы мен сарбаздардың амандығын тіледі. Жеңістің 80 жылдығы қарсаңында майдангерлерге көрсетілген мұндай құрмет – ұрпақтар сабақтастығының айқын белгісі болды.
ҚР Ұлттық ұланы “Батыс” өңірлік қолбасшылығының баспасөз қызметі
Версия для печатиСоңғы жаңалықтар
Оралда қоғамдық көліктерде жолақы төлеу тәртібіне мониторинг жүргізілді
Қазақстанда Құрылтай сайлауына бір айға жетер-жетпес уақыт қалды: кімді сайлаймыз?
Өңір басшысы әлемдік рекорд орнатқан өнертапқыш өрендерді қабылдады
Сайлауалды науқан: Qarmet-тен бизнес-форумға дейін – партиялар үгіт-насихат жұмыстарын жалғастыруда
Әлеуметтік маңызы бар азық-түлік тауарларының бірқатарының бағасы төмендеді
Экспериментальная база НЯЦ РК помогает совершенствовать безопасность современных АЭС
Атом саласындағы жаңа кезең: Қазақстанның бұл бағытта негізгі жетістіктері қандай?
Бір мінбер, жеті партия: сайлауалды науқандағы алғашқы саяси тартыс нені көрсетті?
Үгіт науқаны басталған соң партиялардың электоралды рейтингісі өзгерді
Сайлау науқаны кезеңінде дипфейктер жиілеуі мүмкін: Жалған ақпаратқа қарсы іс-қимыл орталығы ескертеді
Құрылтай сайлауы: «Ақ жол» Respublica-ға жауап берсе, Қазақстан Халық партиясы ЖСДП сынына ашық үн қатты
Мемлекеттік қызмет көрсету процесін жетілдіру бойынша жұмыс жалғасуда.
Азаматтардың басым көпшілігі «Заң мен Тәртіп» қағидаты мен «Таза Қазақстан» идеясын қолдайды – сауалнама
Саяси пікірталас күшейді: ҚХП ЖСДП бағдарламасындағы бастамаларды сынға алды
Шағын модульдік реакторлар – Қазақстанның болашақ энергетикасының жаңа бағыты
Хан тоғайындағы 18 гектар аумақты шарпыған өрт толық сөндірілді
