КіруҚАСЫМ-ЖОМАРТ ТОҚАЕВ: «ҚҰРЫЛЫС САЛАСЫНА ЖЕКЕ ИНВЕСТИЦИЯЛАР ТАРТҚАН ЖӨН»
БҚО-ға жұмыс сапарымен келген ҚР Президенті Қасым-Жомарт Тоқаев халықтың тұрғын үйге қолжетімділігін және таза экологиямен қамту мәселесіне тоқталды.
Облыста тұрғын үй құрылысы қарқынды. Ескі және апатты үйлер сүріліп, орнына жаңа баспаналар салынуда. Өткен жылы 432 мың шаршы метрдей тұрғын үй алаңы қолданысқа берілді. Екі мыңдай облыс тұрғыны «7-20-25» бағдарламасымен баспаналы болды. Биыл жеке инвестиция есебінен екі дене шынықтыру-сауықтыру кешенінің құрылысы басталды. Бұл бастамаларды оң бағалаған Қасым-Жомарт Кемелұлы «Жастар жылы» аясында игі бастамаларды жалғастырып, облыстың барлық аудандарында дене шынықтыру-сауықтыру кешенін салуды және тұрғын үй саясатын белсендіруді тапсырды.
– Облыс басшысына «Қолжетімді баспана» құрылысының барысы мен тұрғын үйлерді бөлуді қатаң бақылауда ұстауды тапсырамын. Ол үшін қоғамдық бақылау институттарына иек арту керек. Әлеуметтік осал топтағылардың баспанамен қамтылуы үшін жүйелі шаралар қабылдау керек. Бірінші кезекте көпбалалы және аз қамтылған отбасылар назарда болуы тиіс. Құрылыс саласына жеке инвестицияларды тартқан жөн. Бұл ретте өңірдің тәжірибесі бар, – деді Қасым-Жомарт Тоқаев.
Сондай-ақ 2020 жылы облыстағы елдімекендердің орталықтандырылған ауыз су жүйесіне қосылуын 80 пайызға дейін жеткізу қажеттігін айтты.
Версия для печатиСоңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу