Кіру«АРМЫСЫҢ, ӘЗ НАУРЫЗ»
Орал қаласындағы Круглоозерный орта мектебінде ұлыстың ұлы күніне орай «Армысың, әз Наурыз!» атты мерекелік шара оздырылды. Шараны мектеп директорының тәрбие ісі жөніндегі орынбасары Бибігүл Төлегенқызы ашып, ата-аналарды, оқушыларды Наурыз мерекесімен құттықтады.
Мектептің акт залы мерекеге сай безендіріліп, «Өлкеме Наурыз келді» тақырыбында кітап көрмесі жасақталды.
Оқушылардың ата-бабамыздың ұрпақтан ұрпаққа жалғасып келе жатқан халықтық салт-дәстүрден нәр алып өсуіне, инабатты, мейірімді, қайырымды болуға тәрбиелеу мақсатында бастауыш сынып мұғалімі Гүлназ Асқарқызының ұйымдастыруымен қазақ халықының салт-дәстүріне байланысты барлық жөн-жоралғы рет-ретімен жүзеге асырылды. Бесікке салу, қыз қуу, беташар, тұсау кесу, арқан тарту, ат қою рәсімдері оқушылардың орындауында әдемі көрініс тапты. Сонымен қатар оқушылар ата-бабамыздан қалған шешендік, ырым-тыйым сөздер айтып жарысқа түсті.
Өркениетті өмірге талпынған, ата-баба дәстүрін жалғастыратын, туған жерін, асқақтаған көк тулы Отанын сүйетін жас жеткіншектердің өнеріне ата-аналар тәнті болып, ризашылықтарын білдірді.
А.Әбілхайырова, Круглоозерный ЖОББМ кітапхана меңгерушісі
Версия для печатиСоңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу