Кіру«ҚАРИЯСЫН СЫЙЛАҒАН ЕЛДЕ ҚАСИЕТ БАР»
Осындай атаумен 11-желтоқсан күні Тәуелсіздіктің 30 жылдығына орай, Орал қалалық мәдениет және тілдерді дамыту бөлімі «Мәдени-ағарту бірлестігінің» ұйымдастыруымен Жастар Мәдениет үйінде ардагерлер ансамбльдерінің концерті өтті. Шаhар әкімшілігі, ардагерлер және БАҚ өкілдері қатысқан шара қолөнершілердің әдемі көрмесімен басталды.
Өнерпаз қариялар Ескендір Хасанғалиев, Әділбек Сүлейменов, Донеділ Қажымов сынды белгілі композиторлардың және халық әндерін табиғи дауыста шырқап, халықтың ыстық ықыласына бөленді. Жастық жігерлерін еңбексүйгіштігімен қоғамның байлығын еселеуге арнаған, жас ұрпақты бірлікке, ынтымаққа тәрбиелеуден тынбаған ансамбльдердің қатарында «Ардагерлер» клубының жанынан құрылған «Домбырашылар» (жетекшісі Б.Уракаев), «Әже сәлемі» вокалды тобы (жетекшісі С.Кубаев), «Сударушка», «Деркулочка», «Жайық толқындары», «Ару аналар», «Асыл әже», «Қазына» және «Ағалар» вокалды топтары да болды.
Концерт соңында сөз алған қала әкімі Абат Шыныбеков пен облыстық ардагерлер кеңесінің төрағасы Мақсот Бергеннің жылы лебізінен кейін әкімдік атынан табысталған ықылас гүлі ардагерлерге деген шынайы ризашылықтың белгісін білдірді.
Жалпы жыл ішінде өнер ұжымы қаладағы көптеген шараларға қатысып, халықтың ықыласына бөленіп жүргенін де айта кеткен жөн.
Лунара АРЫСТАНОВА,
zhaikuni.kz
Суретке түсірген: Еркін ЖОЛАМАН
Версия для печатиСоңғы жаңалықтар
1,2 млрд теңгенің спорт кешені. Жаңаөмірдегі нысан кімнің қолдауымен салынды?
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
Пікір үстеу