КіруҚариялар әннен шашу шашты
Бүгін, Ақ Жайық өңірінің барша ата- әжелері сырнайлатып, күй күмбірлетіп, ән салып, төл өнерді дәріптеді.
А. Островский атындағы орыс драма театрында ертеңмен басталған «Қариясын сыйлаған елде қасиет бар» атты облыстық фестивальдің шымылдығын алдымен «Әже сәлемі» ансамблі ашты. Әнші-композитор Әділбек Сүлейменов жетекшілік етіп, әуелеген әуенге сән берді. Бұл фестивальға бірнеше ауданның халықтық ансамбльдері қатысуда.
Шарада БҚО ардагерлер ұйымының төрағасы Мақсот Берген мен Орал қалалық тілдерді дамыту бөлімінің сектор меңгерушісі Роза Оңғарбай сөз сөйлеп, осы ай – Қариялар айлығы екенін, аға-ұрпақтың үлкен кісілерге деген ілтипаты ешқашан сарқылмайтынын атап өтті.
Дәл қазір сахна төрінде топ-тобымен қаздай тізілген ата-әжелер ансамблі өнер көрсетуде. Сарапшылар Айдар Батырханов пен Қанатқали Қожақов бастаған қазылар алқасы облыстық фестивальдің қортындысын кейін хабарлайды. Жеңімпаздар түсауа гала концертке қатысады.
Орал қаласы әкімдігінің қолдауымен және қалалық мәдениет бөлімі «Мәдени – ағарту бірлестігі»МКҚК ұйымдастырған фестивль туралы толықтай «Жайық Үнінің» келесі санынан оқисыздар.
М. ХАМЗАҚЫЗЫ
Версия для печатиСоңғы жаңалықтар
Хадиша Бөкеева атындағы облыстық қазақ драма театрының жаңа маусымы көрермендерге тың туындылар тарту етуде.
