КіруАрдақты әжелер мен аналар, замандастар, оқырмандар!
Баршаңызды Орал қалалық қоғамдық-саяси апталық «Жайық үні» газетінің редакция ұжымы атынан шын жүрегімізден құттықтаймыз! Көгілдір көктемдей айналаға шуақ шашып аман-сау жүріңіздер! Биік белестерді бағындыра беріңіздер!
Біз шаһардағы игі-жақсылар мен оқырман қауымға ризамыз. Шалтты мерекемен «Жайық үні» газетінің ұжымын құттықтаушылардың бәріне айтар алғысымыз шексіз.
Көктемнің ең шуақты және мейірлі мерекесімен құттықтаушылардың алғашқысы болып БҚО Қазақстан халқы Ассамблеясы Аналар кеңесі бір топ мүшелерін облыс әкімі Алтай Сейдірұлы Көлгіновтің Алғыс хатымен марапаттады. Елге елеулі ардақты аналардың арасында ұжымымыздың басшысы, жазушы Мира Хамзақызы Шүйіншәлиева да «Алғыс хатты» иеленді.
Дәл осындай тамаша мейраммен Орал қаласының әкімі Мұрат Рахметұлы Мұқаев шаһардағы белсенді, парасатты, еңбекқор бір топ аналардың басын қосып,сый-сыяпатын табыс етті. Жиынды жүргізген шаһар басшысы М. Мұқаев алдымен еңбек ардагері Роза Көжековаға, қарымды қаламгер Мира Хамзақызына сөз беріп, жылы лебіздерін тыңдады. Сондықтан өңірдің көшін бастаған басшыларымызға ризашылығымыз шексіз!
Бір қолына қаламын, бір қолына бесігін тербеткен «Жайық үні» редакциясының қыз-келіншектер ұжымын ҚР Мемлекеттік қызмет істері және сыбайлас жемқорлыққа қарсы іс-қимыл агенттігі БҚО департаменті, ҚР Сыбайлас жемқорлыққа қарсы қызмет Ұлттық бюросы БҚО департаменті, Орал қалалық қоғамдық кеңесі, Орал қалалық мәслихат хатшылығы, «Андас» оқу орталығы, Республикалық жоғарғы техникалық мектебі, сол секілді бізбен қоян-қолтық жұмыс жасап жүрген көптеген мекемелер құттықтау хаттары мен гүл шоқтарын, дәмді торттарын сыйлады.
«Жайық үні» редакциясы өңірдегі бұқаралық ақпарат құралдары арасында бәсекеге қабілеттілікпен, жағымды жаңалықтармен Ақ Жайықтың тыныс-тіршілігін ел-жұртқа насихаттап, Сіздермен бірге болуға сендіреді. Тағы да баршаңызға мың алғыс айтады.
«Жайық үні» ЖШС-ның редакция ұжымы.
Версия для печатиСоңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу