КіруАРАЙЛЫМ «ҮЗДІК СТУДЕНТ – 2018» ЖОБАСЫНЫҢ ЖЕҢІМПАЗЫ
Қазақстан инновациялық және телекоммуникациялық жүйелер университетінің «Радиоэлектроника және телекоммуникация» мамандығының студенті, университеттің студенттік ректоры Арайлым Айтқалиева «Бөбек» Жалпыұлттық қозғалысы» заңды тұлғалардың қауымдастық нысанындағы бірлестігінің ұйымдастыруымен республиканың барлық аймағын қамтыған «Үздік студент – 2018» жобасының жеңімпазы атанып, қазақтан шыққан тұңғыш ғарышкер Тоқтар Әубәкіровтың қолынан диплом алды. Сондай-ақ «Жас қыран» республикалық талантты жастардың ІІ кітап жинағына енді.
Талапты жас Арайлым Әділжанқызы Шыңғырлау ауданына қарасты Белагор ауылының тумасы. 2016 жылы қаладағы №44 орта мектепті тәмамдаған ол қазіргі заман талабына сай мамандар даярлайтын «ҚазИИТУ» ғылыми-білім кешенінде білім алуды жөн көріпті. Бүгінде оқу орнының «Радиоэлектроника және телекоммуникация» мамандығында білім алып жүрген ол қоғамдық жұмыстарға да белсенді атсалысады. Күні бүгінде университеттің студенттік ректоры, сондай-ақ тәрбие ісі жөніндегі маман қызметінде қосымша жұмыс атқарып жүр. Талапты жас ағымдағы жылдың 12 сәуірінде «Ғылым қызметкерлері күні» аясында Астана қаласындағы Еуразия ұлттық университеті өткізген студенттер мен жас ғалымдардың «Ғылым және Білім – 2018» ХІІІ халықаралық ғылыми конференциясында ІІ дәрежелі дипломмен марапатталса, Қарағанды қаласында өткен «Наука и молодежь: новые идеи и решения» ІV халықаралық студенттер мен магистранттар конференциясында І орынды жеңіп алған. ҚР Тәуелсіздігінің 25 жылдығына орай ұйымдастырылған техникалық пәндер кафедрасының «ЭКСПО – 2017» көрмесі қарсаңында инновациялық ойлар мен техникалық ұсыныстар» апталығына үздік жоба ұсынып, жеңімпаз атанған. Сол секілді облыстық жастармен жұмыс жөніндегі ресурстық орталығы жастар саясатының дамуы мен өркендеуіне қосқан елеулі үлесі үшін Алғыс хатпен марапаттаған.
Арайлым отбасында үш баланың ортаншысы. Жастайынан өнер-білімге құштар қыз ата-анасы мен ұстаздарының өзіне артқан үмітін ақтау – парызым дейді. Әкесі Әділжан мен анасы Гүлсара жас та болса ойы ұшқыр, талабы таудай қыздарының болашағынан зор үміт күтеді.
Кәусар БАЙҒАЛИЕВА
Версия для печатиСоңғы жаңалықтар
79,3% казахстанцев характеризуют обстановку в стране как благополучную или стабильную
Мемлекеттік қызметшілерге сыбайлас жемқорлыққа қарсы менеджмент және комплаенс мәселелері түсіндірілді
Денсаулық сақтау саласындағы сыбайлас жемқорлық тәуекелдерінің алдын алу
Сыбайлас жемқорлық тәуекелдерін ішкі талдау мәселелері талқыланды
«ЖАЙЫҚ ЖҮЙРІГІ – 2026»: Жүйріктер додасының жеңімпаздары анықталды
Оралда алғаш рет «JAIYQ SAZY» халықаралық этнофестивалі өтті
Оралда қала күніне орай І халықаралық «JAIYQ SAZY» этнофестивалі өтті
ОБЛЫС ӘКІМІ РЕСПУБЛИКАЛЫҚ АРДАГЕРЛЕР КЕҢЕСІНІҢ ТӨРАҒАСЫ ӘБІЛҒАЗЫ ҚҰСАЙЫНОВПЕН КЕЗДЕСТІ
Президент VІ Дүниежүзілік көшпенділер ойындарының жеңімпаздары мен жүлдегерлерін марапаттады
Строительство АЭС создаст новые возможности для специалистов и бизнеса в Казахстане – эксперт
Не только физики-ядерщики: студентам рассказали, кому найдется работа на будущих АЭС Казахстана
Мемлекет басшысы теннисші Елена Рыбакинаны «Әлемнің бірінші ракеткасы» атағына ие болуымен құттықтады
Қазақстан статистика саласында ЭЫДҰ халықаралық стандарттарына сәйкестіктің жоғары деңгейіне қол жеткізді
Президент Республики Казахстан Касым-Жомарт Токаев на днях дал эксклюзивное письменное интервью агентству Синьхуа
Теміржол саласында сыбайлас жемқорлықтың алдын алу мәселелері талқыланды
Пікір үстеу