КіруАЛИМЕНТ ТӨЛЕМЕУ ҮШІН КӨЛІГІН ТУЫСҚАНДАРЫНЫҢ ҮЙІНЕ ЖАСЫРҒАН
БҚО Теректі ауданы прокуратурасының бастамасымен сот, әкімдік, полиция, жұмыспен қамту бөлімінің басшылары мен сот орындаушылары қатысқан ведомствоаралық кеңес өткізіліп, алимент өндіру туралы сот актілерін орындаудағы мәселелер және оларды шешу жолдарын талқылады. Ағымдағы жылдың өткен мерзімінде сот орындаушыларда 391 атқару құжаты орындауда болғаны айтылды.
Аудан бойынша 247 борышкердің берешегі «Атқарушылық iс жүргiзу және сот орындаушыларының мәртебесi туралы» Заңының 93-бабына сәйкес еңбекақысынан өндірілді. Барлығы 144 құжат бойынша берешек 21,1 млн. теңгені құрайды, сондай-ақ 11 өндіріс борышкерді іздеу салуға байланысты тоқтатылды.
Борышкерлерге қатысты аталған заңның 32-бабына сәйкес мүлкіне тыйым салу, банктік шоттарға инкассалық өкімдер шығару, шекарадан шығу құқығын шектеу, жүргізуші куәлігінің қолданысын тоқтату сияқты шаралар қабылданған. Мәселен, У. есімді борышкер екі баласының алдында 2,5 млн. теңге берешегі болған. Алайда, ол алименттен жалтарып, өзінің «Volkswagen 35 i» автокөлігін Подстепный ауылындағы туысының үйіне жасырып қойған.
Қабылданған шаралар арқылы көлік табылып, алынды. Қазір көлік сауда-саттыққа шығарылды.
Сонымен қатар ӘҚБтК-нің 669-бабы (сот үкiмiн, сот шешiмiн немесе өзге де сот актiсiн және атқарушылық құжатты орындамау) бойынша 3 тұлға әкімшілік жауапкершілікке тартылды. Оларға бес тәулікке дейін қамау жазасы тағайындалды.
Тек прокурордың алиментті төлемегені үшін Қылмыстық Кодекстің 139-бабымен (балаларын күтіп-бағуға арналған қаражатты төлеу жөніндегі міндеттерді орындамау) қылмыстық жауапкершілік көзделгені туралы ескертуден кейін ғана, азамат Н. жалпы сомасы 353 мың. теңге болатын алиментті бірден төледі.
Аудан прокуроры Равиль Мажитов кеңесті қорытындылай келе, сот актілерін дер кезінде орындауға бағытталған және осы салада сот орындаушылардың, полицияның, уәкілетті органдардың өзара тиімді іс-әрекетін ұйымдастыру туралы тапсырмалар берді.
Версия для печатиСоңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу