КіруҚАЙЫРШЫЛЫҚТЫ КӘСІП ҚЫЛҒАНДАР ТЕКСЕРІЛУДЕ
Бүгін оралдағы «Орталық базар» аумағы тексерілді.
9-16 қараша аралығында республика аумағында «Қайыршылық» атты жедел алдын алу іс-шарасы өткізілуде. 12 қарашада Орал қ.ПБ және Абай ПБ Жергілікті полиция қызметі бөлімінің басшылығы мен инспекторлары бірлесіп, рейдке шықты. Бұл күні мектеп инспекторлары қала орталығындағы «Орталық базар» аумағын, «Театральный», «Азиза», «Акбар», «Орал парк» сауда үйі маңайларын бір сүзіп өтті. Бұндағы мақсат қайыршылықты кәсіп қылып қол жайған тұлғаларды анықтау, жасөспірімдерді табу еді. Кешенді тексеріс барысында қол жайған 2 тұлға анықталып, инспекторлар түсінік жұмыстарын жүргізді. 9-11 қараша аралығында Орал қ.ПБ ЖПҚб ювеналды полиция тобында тіркелген мәліметтерге сүйенсек, 8 базар, 2 көше жолының жүру бөлігі, 1 әуежай, 1 автобекет, 5 сауда үйі тексерілді. Қазақстан Республикасы Әкімшілік құқық бұзушылық туралы кодекстің 449 бабына сай 44 жасөспірімнің қол жайып, қайыр сұрағаны анықталды. Осы кодекстің 127-бабына сай, ата-ананың немесе басқа да заңды өкілдердің балаларды тәрбиелеу жөніндегі міндеттерді орындамағаны үшін 4 заңды тұлғаға әкімшілік хаттама толтырылды.
Кешенді тексерістер қаланың әр ықшам ауданында жалғасады.
Версия для печати
Соңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу