КіруАҚЫН АҚҰШТАП БАҚТЫГЕРЕЕВА МЕМЛЕКЕТТІК СЫЙЛЫҚТЫҢ ИЕГЕРІ
Қазақстан Республикасы Президентінің Жарлығымен ақын Ақұштап Бақтыгереева мемлекеттік сыйлықтың иегері атанды.
Бүгін «Егемен Қазақстан» газетінде Қазақстан Республикасының 2018 жылғы Әдебиет пен өнер саласындағы мемлекеттік сыйлығын беру туралы Қазақстан Республикасы Президентінің Жарлығы жарияланды.
Елбасы Н.Назарбаев қол қойған 28 қарашадағы №794 Жарлыққа сәйкес, Қазақстан Республикасының 2018 жылғы әдебиет пен өнер саласындағы мемлекеттік сыйлығы «Алқоңыр дүние» өлеңдер мен балладалар жинағы үшін ақын Тыныштықбек Әбдікәкімовке, «Абай» операсы (Л. Хамиди, А. Жұбанов) үшін авторлар ұжымына – Төлеубек Нығметұлы Әлпиевке, Алан Асқарұлы Бөрібаевқа, Сүндет Әбдірахманұлы Байғожинге, «Астана Опера» мемлекеттік опера және балет театры» коммерциялық емес акционерлік қоғамының шығармашылық ұжымына қатысушыларға, «Анаға апарар жол» толықметрлі көркем фильмі үшін авторлар ұжымына – Ақан Қарғамбайұлы Сатаевқа, Әлия Нұрсұлтанқызы Назарбаеваға, Тимур Қазбекұлы Жақсылықовқа, Алтынай Бауыржанқызы Нөгербекке, Әділ Ералыұлы Ахметовке, «Ана сыры» өлеңдер мен балладалар жинағы үшін ақын Ақұштап Бақтыгерейқызы Бақтыгерееваға, «Шуақты шақ» жыр жинағы үшін ақын Өтеген Оралбайұлы Оралбаевқа берілді.
Жайықтың ақ шағаласы атанған Ақұштап Бақтыгереева – «Алаш» Халықаралық әдеби сыйлығының иегері. 2005 жылы Құрмет орденінің иегері 2012 жылы Қазақстанның еңбек сіңірген қайраткері, 2017 жылы Батыс Қазақстан облысының құрметті азаматы атағы берілген еді.
«Жайық үні»
Версия для печатиСоңғы жаңалықтар
1,2 млрд теңгенің спорт кешені. Жаңаөмірдегі нысан кімнің қолдауымен салынды?
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
Пікір үстеу