Кіру«MY ROBOT» БАЙҚАУЫНА 7 МЛН. ТЕҢГЕНІҢ ҰТЫСЫ ТІГІЛДІ
Жалпы білім беретін мектеп оқушылары арасында облыстық «My robot» байқауы өтті. Білімділер додасына 77 командадан 133 оқушы қатысты. Жалпы жүлде қоры 7 180 000 теңгені құрады.
Байқаудың мақсаты – роботты құрастыру және бағдарламалау бағытында дарынды оқушыларды анықтау және қолдау көрсету, білім саласында ғылым мен технологияның дамуына орай, оқушыларды ғылыми ізденіспен айналысуға дағдыландыру, облыстың білім беру ұйымдарында «Роботты техника» курсын оқытудың жүзеге асырылуын бақылау, роботты техника бойынша дарынды балалардың шығармашылық ортасын қалыптастыру.
Шараның басты демеушілері BilimMediaGroup, SITCEN жауапкершілігі шектеулі серіктестіктері BilimBook компьютер-трансформерларын, Жәңгірхан атындағы БҚАТУ – білім грантын, TORUS.KZ ЖШС мультимедиялық проектор, робототехника құрылғылары және т.б сыйлықтар, АксайГазСервисАҚ, AVENCOM ЖШС, IT GROUP ЖШС Samsung маркалы планшеттарын, Smart school Arduino роботты құрылғыларына сертификаттар, STEM Academia ЖШС инженерлік жинақтарын ұсынды.
Байқау сызық бойымен жүру, кегельринг, кегельринг – квадро, сумо, «Smart City» шығармашылық сынды 5 санат бойынша өткізілді.
Байқау қорытындысы бойынша жүлделі І орынды сызық бойымен жүру, кегельринг-квадро, сумо категориялары бойынша Теректі аудандық лингвистикалық гимназиясы, №1 Подстепный ЖОББМ оқушылары, кегельринг категориясынан тасқалалық Сәулет мектеп лицейінің оқушылары қанжығаларына байлап, жүлдеге иеленген әр оқушыға 1 данадан BilimBook компьютер трасформерлары тапсырылды. Ал шығармашылық категориясы бойынша Теректілік Х.Есенжанов ат.ЖОББМ оқушылары оқ бойы озық шығып, BenQ проекторы + Arduino роботы, LEGO дизайн роботты жиынтығын (Mindstorms LEGO) ұтып алды. Ал Жәңгірхан атындағы БҚАТУ ұсынған грантты Теректі ауданы, Х.Есенжанов атындағы орта мектебінің 10 сынып оқушысы Балауса Сапарбай жеңіп алды. Шара соңында білім басқармасы басшысының атынан демеушілерге алғыс хаттар табысталды. Үміт Жәңгірова, БҚО білім басқармасы баспасөз хатшысы
Версия для печати
Соңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
Астанадан Батыс Қазақстан облысына гуманитарлық көмек жіберілді
«Су тасқынынан зардап шеккендерге өтемақы төлеуде жеделдік қажет»
Пікір үстеу