КіруҚабыршақтыда жаңа мәдениет ошағы ашылды
Республика күні қарсаңында Ақжайық ауданындағы Қабыршақты ауылында жаңа мәдениет үйі ел игілігіне берілді. Салтанатты шараға облыс әкімінің орынбасары Қайыржан Меңдіғалиев, аудан басшылығы және ауыл тұрғындары қатысты.
Жаңа нысанның бой көтеруі – ауылдың мәдени-рухани өміріндегі маңызды жаңалық. Себебі 1961 жылы салынған бұрынғы мәдениет үйі уақыт өте келе тозып, апатты жағдайда деп танылған болатын.
Құны 376 млн теңгені құрайтын жобаны «АлТим» ЖШС жүзеге асырды. Заманауи ғимаратта 100 көрерменге арналған зал қарастырылған.
Салтанатты жиында Қайыржан Меңдіғалиев облыс әкімі Нариман Төреғалиевтің ақжайықтықтарға арналған құттықтауын жеткізді.
«Ауылдың ажары көрікті келбетімен ғана емес, рухани байлығымен де өлшенеді. Осы тұрғыдан алғанда, жаңа нысанның ел игілігіне берілуі Қабыршақты ауылының әлеуметтік-мәдени өміріндегі айтулы өзгеріс екені сөзсіз. Баршаңызды аймақ басшысының атынан ұлттық мерекемен құттықтай отырып, әр шаңыраққа амандық пен шаттық тілеймін. Мәдениет үйі бірлік пен береке, өнер мен өнегенің ордасына айналғай!», – деді ол.
Жаңа мәдениет үйінің ашылуында ауыл тұрғындары да сөз алып, өңір басшылығына және нысанның жүзеге асуына үлес қосқан азаматтарға алғыстарын білдірді. Қонақтар ғимаратты аралап, өнер ұжымдарының концерттік бағдарламасын тамашалады.
Мәдениет ошағына облыс әкімі Нариман Төреғалиевтің атынан 10 домбыра табысталды. Сондай-ақ жаңа нысанның ауласына қарағай көшеттері отырғызылды.
Айта кетейік, соңғы үш жылда Ақжайық ауданындағы Жамбыл, Мерген және Бударин ауылдарының мәдениет үйлері күрделі жөндеуден өтті. Көнеккеткен ауылында жаңа мәдениет үйі пайдалануға берілді.
Ал 2023 жылдан бері Батыс Қазақстан облысында 17 мәдениет нысаны жаңадан бой көтерді.
Соңғы жаңалықтар
Мемлекет басшысы әскери реформа мәселелері бойынша Қауіпсіздік Кеңесінің отырысын өткізді
«Мақат – Индербор – Сәтимола» бағытындағы теміржол инфрақұрылымның құрылысы басталды
Президент Қасым-Жомарт Тоқаев құтқарушыларға мемлекеттік марапаттар тапсырды
Жаңақала ауданында коммуналдық инфрақұрылымды жаңғырту жұмыстары жалғасуда
Қазақстан ТЖМ әлеуетін арттыруда: жаңа технологиялар, заманауи техника және құтқару инфрақұрылымын дамыту
Батыс Қазақстан облысының Орал қаласында ауыл шаруашылығы тауарын өндірушілердің кезекті жәрмеңкесі өтті
От идеи к производству: как изменились возможности казахстанского бизнеса за семь лет
Қасым-Жомарт Тоқаев пен Ильхам Әлиев Транскаспий талшықты-оптикалық байланыс желісін іске қосу рәсіміне қатысты
«Жаңа қоғамдық этика: мәдениет, әдеп, әдет» республикалық форумы өтті
