КіруИМАМДАР ӨТКЕН ЖЫЛҒА ЕСЕП БЕРДІ
ҚМДБ-ның БҚО бойынша өкілдігінің ұйымдастыруымен «Орал» орталық мешітінде қала және аудан имамдарының жиыны өтіп, өткен жылы атқарылған жұмыстар сараланды.
Орал орталық мешітінің бас имамы Еркебұлан Қарақұловтың басшылығымен өткен дәстүрлі жиынға аудан, екі қаланың имамдары қатысты. Мұндағы мақсат – дін насихатын күшейте түсу, имамдардың біліктілігін арттыру, тәжірибесін шыңдау, діни қызметтің жауапкершілігін сезіндіру, кеткен кемшілік пен олқылықтарды болашақта барынша болдырмау.
Имамдар жылдық есептерін баяндап, жоспарларын ортаға салды.
Имамдардың діни мерекелік шараларға атсалысуы, жағдайы төмен отбасыларға көмек шараларын ұйымдастыруы, мешітте уағыз-насихат жүргізу, елді ынтымаққа шақыра білу, жастармен кездесулер өткізу мәселелері талқыланды.
Имамдардан жылдық есеп алу барысында өкіл имам Еркебұлан Ыбырайымұлы өз ісін жауапты және ойдағыдай атқарған имамдарды ерекше атап өтіп, алғысын білдірді. Жиналыста имамдардың ұсынысы, алдағы жұмыс жоспарлары да тыңдады. Жиналыс соңын қатысушылар Жаратқаннан жылдың да жемісті болуын тілеп, дұғамен аяқтады.
ҚМДБ-ның БҚО бойынша баспасөз қызметі
Версия для печатиСоңғы жаңалықтар
Қазақ тілін және тарихын білмейтіндерге Қазақстан азаматтығы берілмейді
«Мерейлі отбасы-2024» ұлттық конкурсының қалалық кезеңі өтеді
Пікір үстеу