КіруТозған жылу желісі жаңартылуда
Батыс Қазақстан облысында жылумен жабдықтау жүйесін жаңарту бағытындағы жұмыстар кезең-кезеңімен жүзеге асуда. «Энергетикалық және коммуналдық секторларды жаңғырту» ұлттық жобасы шеңберінде 2025-2026 жылдары өңірдің жылу саласына 6,2 млрд теңге қарастырылған. Соның ішінде Оралдағы маңызды нысандардың бірі саналатын №7 жылу магистралін жаңартуға 2,6 млрд теңге бағытталған.
Облыс әкімі Нариман Төреғалиев нысанға барып, атқарылып жатқан жұмыстың барысымен танысты. Бүгінде жоба аясындағы жұмыстардың 86 пайызы аяқталған.
№7 жылу магистралі 1987 жылдан бері пайдаланылып келеді. Ұзақ уақыт бойы қолданылған желінің құбырлары айтарлықтай тозып, оның деңгейі 80%-ға жеткен. Бұл жылу желісінде ақаулардың жиі орын алуына себеп болып, бұған дейін жекелеген учаскелерді жөндеумен шектелуге тура келген.
Қазіргі жоба желідегі жекелеген ақауларды жоюмен ғана шектелмей, жылумен қамту инфрақұрылымын түбегейлі жаңартуға бағытталған. Осы мақсатта Т.Масин және М.Жүнісов көшелерінің бойындағы жалпы ұзындығы 1,8 шақырым болатын құбырлар жаңасына алмастырылып жатыр. Сонымен бірге желі заманауи оқшаулау жүйесімен және ылғалдылық деңгейін бақылауға мүмкіндік беретін арнайы датчиктермен жабдықталуда.
Нысанды аралау кезінде облыс әкімі мердігер ұйымға жұмыстарды белгіленген мерзімде, яғни 1 қыркүйекке дейін сапалы аяқтауды тапсырды.
– Тозған құбырлардың жекелеген бөліктерін жөндеу арқылы мәселені түбегейлі шешу мүмкін емес. Инфрақұрылымды кешенді түрде жаңарту ғана тұрғындарды жылумен тұрақты қамтамасыз етуге жол ашады. Бұл – жылумен жабдықтау жүйесін жетілдіру бағытындағы жұмыстардың бір бөлігі. Алдағы уақытта осы және басқа да жобалар арқылы жылу электр орталығы жабдықтары мен нысандардың тозу көрсеткішін едәуір төмендетуді көздеп отырмыз. Сондықтан құрылыс жұмыстары талапқа сай орындалуы қажет, – деді Нариман Төреғалиев.
Айта кетейік, №7 жылу магистралі арқылы 24 әлеуметтік нысан мен 130 көппәтерлі үй жылумен қамтылады.
Соңғы жаңалықтар
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Президент Республика күні қарсаңында бір топ азаматты мемлекеттік наградалармен марапаттау туралы Жарлыққа қол қойды
Мемлекет басшысы әскери реформа мәселелері бойынша Қауіпсіздік Кеңесінің отырысын өткізді
«Мақат – Индербор – Сәтимола» бағытындағы теміржол инфрақұрылымның құрылысы басталды
Президент Қасым-Жомарт Тоқаев құтқарушыларға мемлекеттік марапаттар тапсырды
Жаңақала ауданында коммуналдық инфрақұрылымды жаңғырту жұмыстары жалғасуда
