КіруБҚО делегациясы Қытай кәсіпорындарында инвестициялық келіссөздер жүргізді
Батыс Қазақстан облысының делегациясы Қытайға жасаған жұмыс сапары барысында бірқатар ірі өндірістік кәсіпорындардың қызметімен танысып, инвестициялық ынтымақтастық мәселелері бойынша маңызды келіссөздер жүргізді. Сапар аясында делегация Ляонин провинциясына қарасты Цзиньчжоу қаласындағы жетекші өндіріс орындарын аралады.
Іссапар барысында делегация мүшелері автокөлік өнеркәсібіне қажетті бөлшектер өндірумен айналысатын Jinzhou Wonder Auto Group Limited компаниясының жұмысымен танысты. Аталған кәсіпорын Қытай нарығындағы ірі өндіріс ошақтарының бірі саналады. Компания өндірістік әлеуетін халықаралық деңгейде дамытып, бүгінде Азия мен Еуропаның бірнеше мемлекетінде өз кәсіпорындары мен логистикалық нысандарын қалыптастырған.
Сонымен қатар өңір өкілдері өндірістік салада кеңінен қолданылатын жағармай қоспаларын шығаратын Jinzhou Kangtai Lubricant Additives компаниясында болды. Кәсіпорын 200-ден астам өнім өндіреді және халықаралық нарықта өзіндік орны бар ірі экспорттаушылардың қатарында. Компания өнімдері бүгінде әлемнің көптеген елдеріне жеткізіліп келеді.
Кездесу барысында тараптар өндірістік тәжірибе алмасу, инновациялық технологияларды енгізу және өңір экономикасына бағытталған бірлескен инвестициялық жобаларды жүзеге асыру мәселелерін талқылады. Батыс Қазақстан облысының басшылығы қытайлық серіктестермен өзара тиімді ынтымақтастықты одан әрі дамытуға қызығушылық білдірді.
Облыс әкімі Нариман Төреғалиев бастаған делегацияның үш күндік жұмыс сапарының негізгі мақсаты – Мемлекет басшысы жүктеген міндеттер аясында халықаралық әріптестікті нығайту, өңірге инвестиция тарту көлемін ұлғайту және өндіріс секторында бірлескен жаңа жобаларды жүзеге асыруға негіз қалау.
Халықаралық деңгейдегі мұндай кездесулер Батыс Қазақстан облысының инвестициялық әлеуетін арттырып қана қоймай, өндіріс саласына озық технологияларды тартуға мүмкіндік береді. Бұл өз кезегінде өңірдің экономикалық дамуына тың серпін бермек.
Ә.Бақытжанқызы
Соңғы жаңалықтар
Оралда қоғамдық көліктерде жолақы төлеу тәртібіне мониторинг жүргізілді
Қазақстанда Құрылтай сайлауына бір айға жетер-жетпес уақыт қалды: кімді сайлаймыз?
Өңір басшысы әлемдік рекорд орнатқан өнертапқыш өрендерді қабылдады
Сайлауалды науқан: Qarmet-тен бизнес-форумға дейін – партиялар үгіт-насихат жұмыстарын жалғастыруда
Әлеуметтік маңызы бар азық-түлік тауарларының бірқатарының бағасы төмендеді
Экспериментальная база НЯЦ РК помогает совершенствовать безопасность современных АЭС
Атом саласындағы жаңа кезең: Қазақстанның бұл бағытта негізгі жетістіктері қандай?
Бір мінбер, жеті партия: сайлауалды науқандағы алғашқы саяси тартыс нені көрсетті?
Үгіт науқаны басталған соң партиялардың электоралды рейтингісі өзгерді
Сайлау науқаны кезеңінде дипфейктер жиілеуі мүмкін: Жалған ақпаратқа қарсы іс-қимыл орталығы ескертеді
Құрылтай сайлауы: «Ақ жол» Respublica-ға жауап берсе, Қазақстан Халық партиясы ЖСДП сынына ашық үн қатты
Мемлекеттік қызмет көрсету процесін жетілдіру бойынша жұмыс жалғасуда.
Азаматтардың басым көпшілігі «Заң мен Тәртіп» қағидаты мен «Таза Қазақстан» идеясын қолдайды – сауалнама
Саяси пікірталас күшейді: ҚХП ЖСДП бағдарламасындағы бастамаларды сынға алды
Шағын модульдік реакторлар – Қазақстанның болашақ энергетикасының жаңа бағыты
Хан тоғайындағы 18 гектар аумақты шарпыған өрт толық сөндірілді
