КіруБҚО-да өңдеу өнеркәсібі қарқынды дамып келеді
Батыс Қазақстан облысында өңдеу өнеркәсібін дамыту бағытындағы жұмыстар қарқынды жүргізілуде. Бұл туралы облыстық кәсіпкерлік және индустриялық-инновациялық даму басқармасының басшысы Нұржан Сапаркелдіұлы мәлімдеді.
Мемлекет басшысының экономиканы әртараптандыру жөніндегі тапсырмалары өңірде жүйелі түрде жүзеге асырылып келеді. Соның нәтижесінде 2025 жылы өңдеу өнеркәсібіндегі өндіріс көлемі 379,7 млрд теңгені құрап, өткен жылмен салыстырғанда 12,2 пайызға артты. Сонымен қатар салаға тартылған инвестициялар көлемі 57,2 млрд теңгеге жетіп, бір жыл ішінде төрт есе өсті.
Қазіргі таңда облыста өңдеу өнеркәсібі саласында жұмыс істейтін кәсіпорындар саны 510-ға жетті. Өнім экспорты да жоғары көрсеткішке ие болып, жалпы құны 281,7 млн АҚШ долларын құрайтын өнім шетел нарығына шығарылды.
Өңдеу өнеркәсібінің дамуына серпін беретін бірқатар жаңа өндірістік жобалар іске қосылды. Атап айтқанда, «Синтез Урал» ЖШС қоспалы өнімдер өндіретін зауыт құрылысын жүзеге асыруда. «Ural Electric» ЖШС италиялық «Sigma» компаниясының заманауи жабдықтарын пайдалана отырып, көлденең қимасы дөңгелек алюминий сымдарын өндіруді қолға алды.
Сондай-ақ «QazExpoCentre-Pipe» ЖШС-де шегендеу және сорғы-компрессорлық муфталар өндірісі іске қосылса, «Батыс мұнай газ жабдықтары» ЖШС-де су мен газға арналған шарлы крандар шығаратын жаңа цех ашылды. Бұдан бөлек, кәсіпорын жанынан мамандар даярлайтын оқу орталығы жұмысын бастады.
«Орал сауда-өнеркәсіп компаниясы» ЖШС диаметрі 1600 миллиметрге дейінгі газ және су құбырлары мен кәріз жүйелеріне арналған үш қабатты құбырлар өндірісін жолға қойды. Ал «Стекло-Сервис» ЖШС өндірістік қуатын арттыру мақсатында заманауи сандық бағдарламалық басқаруы бар өңдеу орталықтарын іске қосты.
Алдағы жылдары өңірдің өнеркәсіптік әлеуеті одан әрі нығая түспек. 2026–2030 жылдар аралығында жалпы құны 1,8 трлн теңгені құрайтын 25 инвестициялық жобаны жүзеге асыру жоспарланып отыр. Бұл жобалар нәтижесінде 6012 жаңа жұмыс орны ашылады.
Президент тапсырмасына сәйкес, өңірде шикізаттық емес секторға инвестиция тарту және терең өңдеу өндірістерін дамыту жұмыстары күшейтілуде. Инвесторлар үшін қолайлы жағдайлар жасалып, тиімді инвестициялық климат қалыптасқан.
Соңғы үш жылда облыстың негізгі капиталына шамамен 2,3 трлн теңге инвестиция тартылды. Сонымен қатар осы кезеңде өңірге 4,9 млрд АҚШ долларынан астам тікелей шетелдік инвестиция келіп, Батыс Қазақстан облысы республика өңірлері арасында көшбасшы аймақтардың біріне айналды.
Бүгінде Ұлттық цифрлық инвестициялық платформа аясында жалпы құны 2,7 трлн теңгені құрайтын 100-ден астам инвестициялық жоба жүзеге асырылуда.
Осылайша, өңірде қолға алынған ауқымды жобалар мен өндірістік бастамалар Батыс Қазақстан облысын еліміздің индустриялық дамуының маңызды орталықтарының біріне айналдыруға жол ашып отыр.
Әдемі БАҚЫТЖАНҚЫЗЫ
Версия для печатиСоңғы жаңалықтар
Тарихи оқиға – Маңғыстаудың киелі орындары ЮНЕСКО-ның бүкіләлемдік мұралар тізіміне ресми түрде енгізілді
Киберспорттың әлемдік жұлдыздары «Болашақ ойындары 2026» турниріне қатысу үшін Астанаға келуде
Сақ болыңыз: сайлау қарсаңындағы анонимді сауалнамалар – әлеуметтанулық зерттеу емес, ықпал ету құралы
Жаңақала ауданында ардагерлер мен жастар арасында сыбайлас жемқорлыққа қарсы пікірталас өтті
Жаңақала ауданында мемлекеттік қызметшілердің басқарушылық дағдыларын дамытуға бағытталған іс-шара өтті
Ақжайық ауданында жастар арасында адалдық пен жауапкершілік құндылықтары талқыланды
Ақжайық ауданында мемлекеттік қызметшілер арасында «Не? Қайда? Қашан?» зияткерлік ойыны өтті
Казахстан развивает ядерные технологии не только в энергетике, но и в медицине, промышленности, экологии и науке
«Донат» үшін ойдан құрастырылған оқиға бас бостандығынан айыру жазасымен аяқталды
Ақша табу үшін Threads желісінде әскердегі зорлық-зомбылық туралы жалған ақпарат таратқан 23 жастағы астаналық сотталды
Құрылтай сайлауы өткен соң, 145 депутат заң шығарушы органға 5 жылға жайғасады
Қазақстандағы конституциялық реформа және мемлекеттік қызметтің жаңа мәдениеті
Казталов ауданында «Мені өзгерткен бір кітап» байқауының жеңімпаздары марапатталды
