КіруАбыройға бөленген Айгүл ханым!
Баршаңызға мәлім болғандай, осы бейсенбіде Батыс Қазақстан облысының әкімі Нариман Төреғалиев білім беру саласының ардагерлері мен педагогтер қауымымен кездесіп, Қазақстан Республикасы Президентінің Жарлығына сәйкес өңірдің білім саласын дамытуға елеулі үлес қосқан бірқатар азаматты мемлекеттік наградалармен марапаттаған болатын.
Салтанатты жиында білім беру саласының ардагері Айгүл Әділгерейқызы Мыңбаева да Мемлекет басшысы Қ.К.Тоқаевтың Жарлығымен тағайындалған «Құрмет» орденін кеудесіне жарқыратып тақты. Құтты болсын!
Айгүл Мыңбаева еңбек жолын 1985 жылы Саралжын орта мектебінде физика және математика пәнінің мұғалімі болып бастап, кейін облыстық білім басқармасында түрлі жауапты қызметтер атқарды. Өз ісінің шебері БҚО басқарма басшысы лауазымына дейін көтеріліп, 2024 жылы зейнеткерлікке шықты.
Айгүл Әділгерейқызының басшылығы кезінде өңірдің білім беру жүйесінде маңызды өзгерістер жүзеге асты. Білім беру ұйымдарының материалдық-техникалық базасы нығайып, жаңа форматтағы мектептер мен мектепке дейінгі ұйымдар ашылды. Педагог кадрларды даярлау және олардың кәсіби біліктілігін арттыру жұмыстары жетілдірілді.
Соңғы жылдары облыста білім беру инфрақұрылымын дамыту бағытында ауқымды жобалар іске асырылды. 2022-2024 жылдары өңірде 25 мектеп пайдалануға берілсе, олардың қатарында «Келешек мектеп» ұлттық жобасы аясында салынған үш заманауи білім ордасы бар. Бұл жұмыстар білім сапасын арттыруға және оқушыларға қолайлы орта қалыптастыруға мүмкіндік берді.
Еңбек жолында Айгүл Мыңбаева «Ы.Алтынсарин» төсбелгісімен, «Білім беру ісінің құрметті қызметкері» төсбелгісімен және «Ерен еңбегі үшін» медалімен марапатталды.
Білім мен тәрбиені ұлт дамуының басты құндылығы деп білетін, өмірін шәкірт тәрбиелеу мен білім саласын өркендетуге арнаған және ана тілінің қанат қағуына зор үлес қосқан, «Жайық үні» газетінің де жанашыры әрі тұрақты оқырманына айналып, ұлттық басылым мен әдеби кітап оқуды жерлестеріне үлгі етіп жүрген Айгүл Әділгерейқызын бізде ең жоғары – «Құрмет» ордені – мемлекеттік марапатымен шын жүрегімізден құттықтаймыз! Ақ Жайық өңірінің, барша Қазақ елінің құрметіне бөленіп, ұзақ өмір сүріп, абырой биігінен көрініп, аман жүруін тілейміз!
«Жайық үні» ЖШС-ның редакция ұжымы
Соңғы жаңалықтар
79,3% казахстанцев характеризуют обстановку в стране как благополучную или стабильную
Мемлекеттік қызметшілерге сыбайлас жемқорлыққа қарсы менеджмент және комплаенс мәселелері түсіндірілді
Денсаулық сақтау саласындағы сыбайлас жемқорлық тәуекелдерінің алдын алу
Сыбайлас жемқорлық тәуекелдерін ішкі талдау мәселелері талқыланды
«ЖАЙЫҚ ЖҮЙРІГІ – 2026»: Жүйріктер додасының жеңімпаздары анықталды
Оралда алғаш рет «JAIYQ SAZY» халықаралық этнофестивалі өтті
Оралда қала күніне орай І халықаралық «JAIYQ SAZY» этнофестивалі өтті
ОБЛЫС ӘКІМІ РЕСПУБЛИКАЛЫҚ АРДАГЕРЛЕР КЕҢЕСІНІҢ ТӨРАҒАСЫ ӘБІЛҒАЗЫ ҚҰСАЙЫНОВПЕН КЕЗДЕСТІ
Президент VІ Дүниежүзілік көшпенділер ойындарының жеңімпаздары мен жүлдегерлерін марапаттады
Строительство АЭС создаст новые возможности для специалистов и бизнеса в Казахстане – эксперт
Не только физики-ядерщики: студентам рассказали, кому найдется работа на будущих АЭС Казахстана
Мемлекет басшысы теннисші Елена Рыбакинаны «Әлемнің бірінші ракеткасы» атағына ие болуымен құттықтады
Қазақстан статистика саласында ЭЫДҰ халықаралық стандарттарына сәйкестіктің жоғары деңгейіне қол жеткізді
Президент Республики Казахстан Касым-Жомарт Токаев на днях дал эксклюзивное письменное интервью агентству Синьхуа
Теміржол саласында сыбайлас жемқорлықтың алдын алу мәселелері талқыланды
