КіруҚала жұртшылығы «Мизам шуағын» тамашалады
Бүгін, қыркүйектің 28-і күні қалалық «Киров» мәдени-демалыс саябағында БҚО Қазақстан халқы Ассамблеясының жанындағы «Ағайын» қазақ ұлттық қоғамдық бірлестігінің ұйымдастыруымен өңірімізде алғашқы рет «Мизам шуағы» мейрамы өтті.
Жаздың аптап ыстығының беті қайтып, кеші қоңыр салқын бола бастайтын, далада өрмекшінің өрмегі ұзын болып, шұбатылып, бау-бақшаның пісіп, жапырақтар сарғайып бастаған кез-«Мизам шуағы» деп аталады. Шарада қоғамдық даму басқармасы басшысының орынбасары Гүлжанар Шөкеева,«Ағайын» қазақ ұлттық – мәдени бірлестігінің төрағасы Арман Биғалиев құттықтау сөз сөйлеп, аталмыш мерекенің маңыздылығына тоқталды.
Сондай-ақ қолөнер шеберлері түрлі бұйымдарын көрмеге әкеліп, жұртшылықтың назарына ұсынды. Халықтық «Әжелер сәлемі» ансамблінің әжелері киіз басу рәсімін және бесікке салу, тұсау кесу дәстүрлерін дәріптеді. Шарада күй күмбірлеп, әуезді әндер айтылып, көрермендердің көңілін серпілтті. Жиналған халыққа шашу шашылып, бауырсақ таратылып, көжеден ауыз тигізді.
Гүлжан СЕРІКҚЫЗЫ
Бұл туралы «Жайық үні» газетінен оқи аласыздар
Версия для печатиСоңғы жаңалықтар
Құқық бұзушылыққа жол бермейтін Telegram чат боты іске қосылды
