КіруҚосалқы электр стансасы іске қосылды
Орал қаласының аумағы кеңейіп, халықтың көбеюіне байланысты коммуналдық гидронысандар мен электр жүйесінің жүктемесі артып отыр.
Тозығы жеткен желілерді жаңғырту бағытында аймақта ауқымды іс-шаралар атқарылып жатыр. Конституция күні қарсаңында жаңа электр қосалқы стансасы жұмысын бастады.
БҚО-да электр желілерінің 80 пайызының тозығы жеткен. Өңірдегі осы өзекті мәселені шешу жолында республикалық бюджеттен қаражат қарастырылуда. Мәселен, өткен аптада қалада электр қосалқы стансасы іске қосылды.
Бұл нысан «Деркөл» және «Ақжайық» шағын ауданы халқына қызмет көрсетеді. Жүйе толықтай автоматтандырылған. Жел тұрса, жаңбыр жауса жарығы өшетін қала іргесіндегі елдімекендердің халқы енді осы азаптан құтылады. Өйткені, жаңадан салынған 15-қосалқы электр стансасы 120 мың абонентті электр қуатымен үзіліссіз қамтиды. 2,7 млрд теңгеге салынған стансаның қондырғылары түгелдей отандық әрі 60 градус ыстық пен 50 градус аязға шыдамды,-дейді мамандар.
– 2021-ші жылы жоба мақұлданды. Станса «Ақжайық» ауданын толықтай электр жүйесімен қамтамасыз етеді. Оның ішінде әлеуметтік нысандар бар. Бұл нысанның құрылысына елімізде оның ішінде «Орал трансформатор» зауытында құрстырылған трансформаторлар пайдаланылды. Ауа температурасы – 60 тан + 50 градусқа дейін шыдамды. Кемінде 20-30 жыл қызмет көрсетеді,- дейді жобалаушы компания директоры Әнуар Сахабутдинов.
Салтанатты ашылу шарасына қатысқан облыс әкімі Нариман Төреғалиев электр компаниясының жұмысын жеңілдететін нысанның жұмысын бастауға рұқсат берді. Әлеуемттік мекеме қаланың шет аумағында орналасқан. Өңір басшысы Нариман Төреғалиев халықтың жылдан-жылға көбеюіне орай бүгінгі таңда облыс көлемінде 388 мегават электр тұтынатын болсақ, алдағы жылдары оның көлемін 500 мегаватқа дейін жеткізуді жоспарлап отырғанын мәлімдеді.
– Барлық 12 ауданның орталығындағы осындай электр стансаларын толықтай жаңғыртудан өткізетін боламыз. Оған қоса алдағы жылдары электр тұтыну көлемі артады. Мәселен қосымша батыс поуер компаниясы арқылы қосымша 100 мегаватқа өндіріс көлемін арттырады. Сонымен қатар күн сәулесі арқылы тағы 20 мегават энергия өндірілмек. Осылайша жоспарлаған энергия көзін 500 мегаватқа жеткіземіз,- деді аймақ басшысы Нариман Төреғалиұлы.
Айнара ИСА
Версия для печатиСоңғы жаңалықтар
Құқық бұзушылыққа жол бермейтін Telegram чат боты іске қосылды
