КіруҚала мұғалімдеріне құрмет
Қазанның 6-сы күні Орал спорт кешенінің арқанды саябағында «Ұстаз деген-жарық күні адамның» атты тақырыпта ұстаздар күніне арналған шара болды.
Шарада сөз сөйлеген қала әкімі Миржан Сатқанов: Бұл күн-білім беру саласындағы қызметкерлердің барлығына ортақ, ұстаздар қауымының қоғам дамуындағы рөлі мен еңбегі, оған қосатын зор үлесі аталып өтілетін кәсіби мереке. Халықаралық ұстаздар күні құтты болсын!-деген шаһар басшысы Миржан Мұнайдарұлы «Орал қаласының құрметті педагогі» байқауының жеңімпазы, №35 лицейдің мұғалімі, педагог-шебер Татьяна Никифороваға «Орал қаласының үздік педагогы» төсбелгісімен бірге куәлік, диплом және 300 еселенген айлық есептік көрсеткіш көлеміндегі 1035000 теңге сыйақы сертификатын табыстады.
Сондай-ақ білім саласының дамуына қосқан үлесі үшін облыс әкімінің және қала әкімінің Алғыс хатымен көптеген мұғалімдерді марапаттады. Үздік ұстаздарды қалалық білім беру бөлімінің басшысы Ақжарқын Темірханова дипломдары мен арнайы сыйлықтар тарту етті. Бұл шара туралы газетіміздің келесі санынан толығырақ оқи аласыздар.
Гүлжан АЯЗБАЕВА.
Суретті түсірген автор.
Версия для печатиСоңғы жаңалықтар
Құқық бұзушылыққа жол бермейтін Telegram чат боты іске қосылды
