Кіру«ОРАЛ АРУЫ – 2019». КАСТИНГ ӨТТІ
«Орал аруы – 2019» сұлулық байқауына іріктеу жүргізілді.
Кастинг Х.Бөкеева атындағы қазақ драма театрында өтті. Биылғы жылы кастингке «Қазақстан аруы» ұлттық сұлулық байқауы» қоғамдық қорының өкілдері Рустам Қалмамбетов пен Юрий Якуб келген. Қыздарды таңдауда аймақтық іріктеу кезеңінің директоры Жұлдыз Құспанова мен «Орал аруы – 2018» аталымының иегері Айдана Каримова қазылық етті. Сарапшы ретінде «Орал аруы – 2010», «Қазақстан аруы – 2010», «Ең үздік топ-модель» аталымдарының иегері Жанна Жұмалиева шақырылды.
Жұлдыз Құспанованың айтуынша, кастингке қатысуға 15-25 жас аралығындағы 70-тен аса ару тіркелген. Ал іріктеуге 41 бойжеткен келіпті. Олардың қатарында облысымыздың сұлуларымен қатар Қызылорда, Ақтөбе, Атырау облысының қыздары бар.
– Үміткерлер туралы барлық мәліметті ұйымдастыру комитетіне жолдадық. Келесі жылы «Орал аруы» байқауына қатысушыларды алматылық комиссия шешеді, – дейді Жұлдыз Қазиқызы.
Байқау келер жылы «Қала күні» мерекесіне орай ұйымдастырылады деп жоспарлануда.
«ЖАЙЫҚ ҮНІ»
Версия для печатиСоңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
Астанадан Батыс Қазақстан облысына гуманитарлық көмек жіберілді
«Су тасқынынан зардап шеккендерге өтемақы төлеуде жеделдік қажет»
су тасқынының алдын алу жұмысына 1 577 техника жұмылдырылды
Батысқазақстандық полиция қызметкерлеріне гуманитарлық көмек жіберілді
Пікір үстеу