КіруОРАЛ – САЛАУАТТЫ ҚАЛА
«Alem Plaza» сауда үйінде ұйымдастырылған акцияда 500-ден астам қала тұрғындары жалпы тәжірибелі дәрігерлер мен крдиолог, эндокринолог мамандардан тегін медициналық кеңес алды.
Салауатты өмір салтын насихаттау, міндетті әлеуметтік сақтандыруды енгізу бойынша ақпараттандыру, әрбір азаматтың өз денсаулығын сақтау және нығайту үшін жауаптылығын арттыру, алғашқы медициналық көмек көрсетуді үйрету мақсатындағы денсаулық эстафетасын 15 қараша күні Орал қаласы алматылықтардан қабылдап алды. Осы орайда, облыстық денсаулық сақтау басқармасы және Батыс Қазақстан облыстық салауатты өмір салтын қалыптастыру орталығының бастамасымен «Alem Plaza» сауда үйінде «Орал – салауатты қала!» кеңауқымды акция өтті.
Акцияда қала тұрғындары мен қонақтары жалпы тәжірибе дәрігерлері, кардиолог, эндокринолог мамандарынан тегін медициналық кеңес алып, қан қысымын, салмағын, қандағы қант пен холестеринді өлшеп, АИТВ жұқпалы ауруына экспресс диагностика өтіп, БҚО бойынша Ұлттық оқу – клиникалық орталығының нұсқаушылары адам өміріне қауіпті жағдайларда алғашқы медициналық жәрдем көрсету бойынша мастер-класс көрсетті. Батыс Қазақстан облысының міндетті медициналық сақтандыру қорының бас эксперті Ғапаров Ербол Малікұлы медициналық сақтандыру бойынша сұрақтарға жауап берді.
Акция барысында медициналық қалашықпен қатар, Құрманғазы атындағы саз колледжінің және Батыс Қазақстан облысының Жоғары медициналық колледжінің қолдауымен, студенттер концерттік бағдарлама ұйымдастырды. Бағдарламада музыкалық колледж студенттері Құрманғазының «Адай», «Сарыарқа» күйлерін, Нұрғиса Тілендиевтің «Махамбет» күйін, Ахметбек Әлпекұлының «Жылқышы» атты шығармасын орындады, ал болашақ медицина қызметкерлері флэшмоб билеп, әндер айтты.
Жайық үні
Версия для печати
Соңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу