КіруОралда Хамза Есенжановтың ескерткіші ашылды
Бүгін Орал қаласында жазушы Хамза Есенжановтың ескерткіш-бюсті ашылды.
Ұлтының рухын ұлықтаған суреткер, өмірі өнеге, қасиетті Жайық өлкесін жүрегінің демі біткенше сүйіп өткен, тума талант иесі, әйгілі «Ақ Жайық» трилогиясының авторы, Қазақстан Мемлекеттік сыйлығының лауреаты, Еңбек Қызыл Ту, «Құрмет Белгісі» ордендерінің иегері Х.Есенжановтың туғанына биыл 110 жыл. Осы атаулы мерейтойға орай ашылған ескерткіш қаланың 4 және 5 шағынауданы аралығындағы тынымбаққа орналасқан. Бұл шараға қала әкімі М.Мұқаев қатысып, құттықтау сөз сөйледі.
Сондай-ақ қарымды қалам иесінің ұрпақтары – Хамза Есенжановтың немере інісі – Айтқожа Биғалиев, жазушының келіні – Дина Есенжан және зиялы қауым өкілдері қатысты.
Академик, Ұлыбритания Экологтар Ұжымының толық мүшесі, Әл-Фараби атындағы Қазақ Ұлттық Университетінің профессоры, биология ғылымдарының докторы, Құрмет орденінің иегері Айтқожа Биғалиев, фольклортанушы, шығыстанушы, ілеспе аудармашы-синхронист, ғалым, Абылай хан атындағы Халықаралық қатынастар және әлем тілдері университетінің профессоры, филология ғылымдарының кандидаты, арабтанушы Дина Есенжан, тарихшы, хамзатанушы Сайлау Сүлейменов қаламгер туралы естеліктермен бөлісті.
Ескерткішті салтанатты түрде ақын, «Алаш» әдеби сыйлығының иегері Ақұштап Бақтыгереева мен жазушының немере-інісі Айтқожа Биғалиев ашып, жиналғандар қаламгердің ескерткішіне тағзым етті.
Шара Х.Бөкеева атындағы қазақ драма театрында «Хамза Есенжанов – адамзаттың асылы» атты жазушының 110 жылдығына орай ұйыдастырылған әдеби–сазды кешпен жалғасады. Мәдени жиын аясында «Тұғыры биік талант» атты жазушыға арналған естелік жаңа кітаптың тұсауы кесілді. Театр фойесінде жазушының шығармашылығы бойынша «Қайсар талант арқалаған нар сенім, ұмытпайтын ұрпақтарын бар сенің» тақырыбында көлемді кітап көрмесі, фото-экспозиция және мұрағаттық жәдігерлер қатысушы көрермендер назарына ұсынылды.
Мира Хамзақызы
Суретті түсірген Р.ХАЛЕЛОВ
Версия для печатиСоңғы жаңалықтар
79,3% казахстанцев характеризуют обстановку в стране как благополучную или стабильную
Мемлекеттік қызметшілерге сыбайлас жемқорлыққа қарсы менеджмент және комплаенс мәселелері түсіндірілді
Денсаулық сақтау саласындағы сыбайлас жемқорлық тәуекелдерінің алдын алу
Сыбайлас жемқорлық тәуекелдерін ішкі талдау мәселелері талқыланды
«ЖАЙЫҚ ЖҮЙРІГІ – 2026»: Жүйріктер додасының жеңімпаздары анықталды
Оралда алғаш рет «JAIYQ SAZY» халықаралық этнофестивалі өтті
Оралда қала күніне орай І халықаралық «JAIYQ SAZY» этнофестивалі өтті
ОБЛЫС ӘКІМІ РЕСПУБЛИКАЛЫҚ АРДАГЕРЛЕР КЕҢЕСІНІҢ ТӨРАҒАСЫ ӘБІЛҒАЗЫ ҚҰСАЙЫНОВПЕН КЕЗДЕСТІ
Президент VІ Дүниежүзілік көшпенділер ойындарының жеңімпаздары мен жүлдегерлерін марапаттады
Строительство АЭС создаст новые возможности для специалистов и бизнеса в Казахстане – эксперт
Не только физики-ядерщики: студентам рассказали, кому найдется работа на будущих АЭС Казахстана
Мемлекет басшысы теннисші Елена Рыбакинаны «Әлемнің бірінші ракеткасы» атағына ие болуымен құттықтады
Қазақстан статистика саласында ЭЫДҰ халықаралық стандарттарына сәйкестіктің жоғары деңгейіне қол жеткізді
Президент Республики Казахстан Касым-Жомарт Токаев на днях дал эксклюзивное письменное интервью агентству Синьхуа
Теміржол саласында сыбайлас жемқорлықтың алдын алу мәселелері талқыланды
Пікір үстеу