КіруЖАСОТАНДЫҚТАРДЫҢ ЖАҚСЫЛЫҒЫ
Қайырымдылық айлығы аясында қазақ эстрадасының жұлдыздары Орал қаласындағы ардагерлердің үйлерінде болды.
«Нұр Отан» партиясының «Ардагерлерді ардақтайық» жобасы шеңберінде ұйымдастырылған шарада танымал әнші, халықаралық жарыстардың лауреаты Рүстем Жүгінісов және эстрада жұлдызы, домбырашы Ұшқын Жамалбек жасотандықтармен бірге Петр Борисович, Галина Ефимовна және Қабира Абатқалиева сынды ардагерлердің үйлеріне барып, 1 қазан қариялар күнімен құттықтады және аулаларындағы шөптерді жұлып, тазартуға көмектесті.
Сондай-ақ «Жас Отан» жастар қанатының БҚО филиалы «Ақ Отау» қоғамдық бірлестігімен қаламыздың зейнеткерлері, жалғыз басты ардагерлеріне арнап «Күзгі вальс» мәдени шарасын ұйымдастырды. Би кеші барысында әскери үрмелі аспаптар оркестрі өнер көрсетті. Жасотандықтар белсенді қатысқан ардагерлерге арнайы сыйлықтар табыстап, мерекелік көңіл күй сыйлады.
Жалпы партиялық «Ардагерлерді ардақтайық» жобасы аясында ағымдағы жылы батысқазақстандық жасотандықтар 150-ден астам Ұлы Отан соғысы, тыл ардагерлерінің, жалғыз басты зейнеткерлердің үй шаруашылығына көмек көрсетіп, туған күн мерекелерімен құттықтап, мәдени, мерекелік шараларды ұйымдастырып келеді.
Азамат МАҒЗОМ,
«Жас Отан» ЖҚ БҚОФ менеджері
Версия для печатиСоңғы жаңалықтар
«Мерейлі отбасы-2024» ұлттық конкурсының қалалық кезеңі өтеді
Пікір үстеу