Кіру«ӨЗ БАЛАҢА ҮЛГІ БОЛ»
Қалай үлгілі ата-ана болуға болады? Балаға қалай көмектесу керек? Жеткіншекті дағдарыс жағдайынан қалай шығару қажет? Баланы тәрбиелеуде бұл сұрақтар көптеген ата-аналарды ойландыратыны анық. Бала тәрбиесіне қатысты осы тектес сауалдардың жауабын отбасы күніне орайластырылған жалпы республикалық ата-аналар конференциясында ата-аналар мен білім саласының мамандары бірге талқылануда.
Ата-аналарға психолгиялық көмек көрсету мақсатындағы конференция ҚР Білім және ғылым министрлігі мен Балалардың құқықтарын қорғау Комитетінің тапсырысы бойынша Отбасылық тәрбиелеу институтының бастамасымен барлық мектептерде өткізілуде. Сенбі, 8 қыркүйек күні күні республика бойынша бір уақытта өткізілген жиын 1 сынып оқушыларының ата-аналарына арналса, жексенбіде 10-11 сынып оқушыларының ата-аналары мектептерде бас қосты. Қаламыздағы №42 «Ақ ниет» гимназиясында өткен жиынға Орал қаласы білім беру бөлімінің басшысы Ж.Төремұратова, ҚР Білім және ғылым министрілігінің өкілі, отбасылық тәрбиелеу институтының спикері А.Мырзахметова қатысты.
Конференция отбасылық құндылықтарды дамыту мен нығайту, өскелең ұрпақты тәрбиелеу мәселесінде білім беру мекемелерінің отбасымен өзара қарым-қатынасын жандандыруға бағытталып, бала тәрбиелеу барысындағы ата-аналарда туындайтын ең қиын сұрақтарды анықтау, жасөспірімдердің өзіне-өзі қол жұмсау әрекетін алдын алу, діни ағымдардан, ақпараттық қауіптен сақтандыру мәселелері қозғалды.
– Қазір интернет заманы. Әйткенмен, балалар виртуалды өмірге еніп кетпеуі үшін ата-ананың қадағалауы маңызды. Интернетке тәуелділік қауіпке, жасөспірімнің санасына, өмір сүру қалыбына кері әсер ететінін де тәжірибе көрсетті. Сол үшін ата-аналар үйдегі компьютерге бұғаттау бағдарламасын орнатып алғандары дұрыс. Сондай-ақ діни ағым өкілдерінің жалған ақпарына сеніп, адасып жүрген жеткіншектеріміз де аз емес. Көп жағдайда ата-ананың махаббатына зәру, жабығып жүрген балалар осы жолға түсіп кетеді. Сондықтан ата-ана үшін жұмысбастылықтан гөрі бала тәрбиесі бірінші орында болуы керек, – дейді отбасылық тәрбиелеу институтының спикері Ақтоты Мырзахметова.
Қалалық білім беру бөлімінің басшысы Жансұлу Меңешқызы тәрбиедегі қателік қыздың анамен, ұлдың әкемен сырласпауынан екенін айтып, бала тәрбиелеуде қиындыққа кезіккен жағдайда психолгтардың көмегіне жүгінудің оң нәтиже беретінін жеткізді. Психолог мамандардың сөзінше, ата-ана баланың жеке тұлға екенін, мінез-құлықтары әртүрлі екенін айта отырып мақтау мен эмоционалдық қолдау жасап отырулары қажет. Әрі әр жанұяда отбасылық дәстүрді қалыптастыру бала тәрбиесіне оң ықпалын тигізері сөзсіз.
Эльмира НҰҒМАНОВА
Версия для печатиСоңғы жаңалықтар
Оралда қоғамдық көліктерде жолақы төлеу тәртібіне мониторинг жүргізілді
Қазақстанда Құрылтай сайлауына бір айға жетер-жетпес уақыт қалды: кімді сайлаймыз?
Өңір басшысы әлемдік рекорд орнатқан өнертапқыш өрендерді қабылдады
Сайлауалды науқан: Qarmet-тен бизнес-форумға дейін – партиялар үгіт-насихат жұмыстарын жалғастыруда
Әлеуметтік маңызы бар азық-түлік тауарларының бірқатарының бағасы төмендеді
Экспериментальная база НЯЦ РК помогает совершенствовать безопасность современных АЭС
Атом саласындағы жаңа кезең: Қазақстанның бұл бағытта негізгі жетістіктері қандай?
Бір мінбер, жеті партия: сайлауалды науқандағы алғашқы саяси тартыс нені көрсетті?
Үгіт науқаны басталған соң партиялардың электоралды рейтингісі өзгерді
Сайлау науқаны кезеңінде дипфейктер жиілеуі мүмкін: Жалған ақпаратқа қарсы іс-қимыл орталығы ескертеді
Құрылтай сайлауы: «Ақ жол» Respublica-ға жауап берсе, Қазақстан Халық партиясы ЖСДП сынына ашық үн қатты
Мемлекеттік қызмет көрсету процесін жетілдіру бойынша жұмыс жалғасуда.
Азаматтардың басым көпшілігі «Заң мен Тәртіп» қағидаты мен «Таза Қазақстан» идеясын қолдайды – сауалнама
Саяси пікірталас күшейді: ҚХП ЖСДП бағдарламасындағы бастамаларды сынға алды
Шағын модульдік реакторлар – Қазақстанның болашақ энергетикасының жаңа бағыты
Хан тоғайындағы 18 гектар аумақты шарпыған өрт толық сөндірілді
Пікір үстеу