КіруБАЛАЛАР МЕН СТУДЕНТТЕРГЕ ТЕГІН ҚЫЗМЕТ КӨРСЕТІЛЕДІ
Жыл сайын 20 қараша күні бүкіл әлем балалар күнін атап өтеді. Дүниежүзілік балалар күнін 1954 жылы Біріккен Ұлттар Ұйымының Бас Ассамблеясы жариялады.
Бұл күн әлем елдерінде балалардың әл-ауқатын қамтамасыз етуге бағытталған қызметке арналған әлемдік бауырластық және балалардың өзара түсіністігі күні ретінде аталып өтеді. 1959 жылдың 20 қарашасында Бас Ассамблея Бала құқығы декларациясын, ал 1989 жылы – Бала құқықтары туралы Конвенцияны қабылдады.
2000 жылы сегіз мақсаттан тұратын Мыңжылдық декларациясына қол қойылды, оның алтауы – балалардың қажеттіліктері туралы. Олардың ішінде шектен тыс кедейлікті азайту, АҚТҚ/ЖҚТБ-ның таралуын тоқтату, жалпы бастауыш білім беру сынды мәселелер бар. Сондай-ақ, бұл күні балалар денсаулығы мәселелерін шешу мәселесі жүктелген балалар дәрігерлері өздерінің кәсіби мерекесін атап өтеді.
Елімізде кәмелетке толмағандардың денсаулығына асқан жауапкершілікпен қарайды. Сондықтан 18 жасқа дейінгі балалар Міндетті әлеуметтік медициналық сақтандыру жүйесі негізінде азаматтардың жеңілдік берілген санатына кіреді. 2020 жылдың 1 қаңтарынан бастап енгізілетін МӘМС жүйесі аясында олар МӘМС пакетіндегі барлық қызметтерді тегін, соның ішінде стоматологиялық көмек пен вакцинацияны да тегін алатын болады. Балалардың сирек кездесетін ауруларын емдеу үшін тегін дәрі-дәрмек көлемі екі есеге өсті.
– Бұл күндізгі оқу бөлімінің студенттеріне де қатысты, олар мемлекет есебінен сақтандырылады. Яғни, мемлекет 18 жасқа дейінгі әр бала үшін және әр студент үшін ай сайын республика бойынша орташа жалақының 1,4 пайызын Әлеуметтік медициналық сақтандыру қорына аударады, – дейді филиал директоры Нұржамал Жұмағұлова.
«Әлеуметтік медициналық сақтандыру қоры» коммерциялық емес акционерлік қоғамы Батыс Қазақстан облысы бойынша филиалы
Версия для печати
Соңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
Астанадан Батыс Қазақстан облысына гуманитарлық көмек жіберілді
«Су тасқынынан зардап шеккендерге өтемақы төлеуде жеделдік қажет»
су тасқынының алдын алу жұмысына 1 577 техника жұмылдырылды
Пікір үстеу