КіруМАКСИМ ПРЕЗИДЕНТТІК ОЛИМПИАДАДАН АЛТЫН ТАҚТЫ
Теміртау қаласынан осындай сүйінші хабар жетті. 11-сынып оқушысы Максим Ким жаратылыстану-математика бағыты бойынша XIІ Президенттік олимпиадасынан алтын медаль алды.
Республикалық жарысқа қатысу мүмкіндігіне Қазақстан бойынша 172 оқушы ие болды. Еліміздің әр өңірінен жиналған мықтылар екі күн бойы физика, математика, химия және биология пәндері бойынша бақ сынасты. Ерекше атап өтетін жайт, Максимнің көрсеткіштері олимпиаданың 3 үздік нәтижесіне енген.
– Бала кезімнен жаратытылыстану және математика ғылымдарына әуеспін. Олимпиада тапсырмаларының мен үшін күрделі болмағандығы содан болар. Қарсыластарымның да осал болмағанын мойындаймын. Әр пәннен дайындаған ұстаздарыма алғысым шексіз, – дейді алтын медаль иегері оралдық Максим Ким.
Максимнің сөзінше, бұндай ауқымды жарыстар әр оқушы үшін мол тәжірибе жинақтауға мүмкіндік береді. Жеңімпазды физика пәнінен Қанат Бисеков, математикадан Нұрлы Габдуллина, химиядан Гүлсім Киматова, биологиядан Нұркен Аймұханов сияқты ұстаздар дайындаған.
Беделді олимпиаданың қазылар алқасының құрамында өткен жылдардағы халықаралық және Президенттік олимпиадалардың жеңімпаздары, бүгінде еліміздің алдыңғы қатарлы және шетелдік жоғары оқу орындарының студенттері, магистрлері мен PhD докторлары бар.
Айта кетейік, оқушылардың жаратылыстану-математика бағытындағы білімдерін тереңдету, дамытуға бағытталған олимпиада 2008 жылдан бері Елбасының бастамасымен өткізіліп келеді. Жеңімпаздар мен жүлдегерлер отандық жоғары оқу орындарына білім беру гранттарын тағайындауда басым құқықты иеленеді.
Версия для печати
Соңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
Астанадан Батыс Қазақстан облысына гуманитарлық көмек жіберілді
«Су тасқынынан зардап шеккендерге өтемақы төлеуде жеделдік қажет»
су тасқынының алдын алу жұмысына 1 577 техника жұмылдырылды
Батысқазақстандық полиция қызметкерлеріне гуманитарлық көмек жіберілді
Пікір үстеу