КіруТӨРАҒА ШЕКТЕН ШЫҚТЫ
Ет бұзылса тұз себеді, тұз бұзылса не себеді? Орал қаласының іргесіндегі «Зачаганский» бау бақша серіктестік саяжай қоғамының төрағасы көшені тегістеуге бөлінген ескі асфальтты үйінің алдына төсеп алған. Бұған ашуланған тұрғындар төрағаны сотқа беріпті. Олардың сөзінше, күн райы бұзылса, жолсыз жермен жаяу адам түгілі, көлік жүре алмайды. Қыста қарға малтығып, жаңбыр жауса белшеден батпаққа батады.
Тұрғындар төрағаның қылығы шектен шыққанын айтады. Бірақ кімнен көмек сұрарын білмейді. Өйткені бұл жер саяжай болғандықтан, жол салу қарастырылмаған. Ал ебін тауып, әрең алған ескі асфальт төрағаның ауласына төселді деп шағымданады тұрғындар. Сол себепті ашынған халық оны сотқа бергендерін айтады. Осы орайда «Құс фабрикасы» аталып кеткен ауданның халқының сөзін саяжай қаумдастығының төрағасы теріске шығарды. – Ол – қате әңгіме. Біз қазір айтып отырған Бейбітшілік көшесімен №3 қоғамдық көлік жүріп жатыр. Автопарктың сұранысы бойынша шоқалақ, тегіс емес жер болатын. Соны тегістеу бағытында жасалған жұмыстар. Олардан жазылған хаттар бар ,– дейді саяжай қоғамының төрағасы Асылбек Қабесов. Бізбен кездескен тұрғындар мәселенің мәні тереңде жатқаның жеткізді. Олар көмек сұрап біраз табалдырықты тоздырыпты. Тіпті қала мен облыс әкімдеріне дейін шағымданып, мәселінің мән-жайын түсіндірген. Сол себепті көктем мен күзде толарсақтан саз кешіп, тілерсектен су кешетін халықтың бұл мәселесі сала басшыларына таныс. Бұл бір ғана саяжайдағы мәселе. Мұнда жол салуға нақты қаражат бөлінбейді. Сол себепті жол жайының қашан және қай кезде шешімін табарын нақты ешкім дөп баса алмайды. Жоғарыда аталып өткендей, жағдайды сала мамандары жақсы біледі. Сол себепті биыл ескі жол құрылысынан қалған материалдардан 1 шақырым қоғамдық көлік жүретін жолдарға қара жабын төселген. Бұл жұмыстар алдағы уақытта да жалғасын табады дейді мамандар.
Жол мәселесі саяжай ғана емес, қала маңындағы елді мекендерге де жақын маңда салынуы екіталай. Орал қалалық жолаушылар көлігі және автомобиль жолдары бөлімінің басшысы Айдар Меңеевтің айтуынша, биыл жөнделуі тиіс 50 көшенің жобалау құжаттарынан шикілік шығып, кері қайтарылыпты. –Жобалау-сметалық құжаттарында қателік кеткен. Соны анықтап, қазір қайта қарастырып, сараптаудан өткізіп жатырмыз. Конструктивтік жағынан, тротуарлардың кейбір жерінен қате кеткен. Басқа да қателіктері бар. Сол себепті қазір қайта қарау жұмыстары жүріп жатыр, – деді Айдар Меңеев. Биыл қала көшелерін жөндеуге жергілікті бюджеттен 1,2 млрд. теңге бөлінген. Бүгінде соның 77 пайызы игеріліпті. Дегенмен шаһардың шеті түгілі, орталықтағы көшелердің тең жарымында асфальт жоқ.
Версия для печати
Соңғы жаңалықтар
«ӘДІЛЕТ» ПАРТИЯСЫНЫҢ КӨШПЕЛІ ШТАБЫ ЖӘНІБЕК ЖҰРТШЫЛЫҒЫМЕН КЕЗДЕСТІ
Тұрақты даму – тиімді мемлекеттік басқару мен ортақ жауапкершіліктің нәтижесі
Бөрлі ауылында «Әділет» партиясының облыстық штаб мүшелері тұрғындармен кездесті
Жаңа Қазақстан Конституциясы – Әділетті қоғамның құқықтық негізі
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Пікір үстеу