КіруЖаңа ауданда 27 көпқабатты үй салынады
Орал шаһараның солтүстік-шығыс ауданы игерілуде. 108,6 гектар аумақты қамтитын жаңа шағынауданда 20-дан аса көпқабатты үй, 5 әлеуметтік нысан салынады. 14 тамыз күні БҚО әкімі Алтай Сейдірұлы жаңа шағынауданның жоспарымен танысты.
Қаламыздың жаңа солтүстік-шығыс шағынауданында екі көпқабатты үйдің құрылысы басталды. Алтай Көлгінов «Отделстрой» ЖШС құрылысын бастаған үйдің іргетасын құюға атсалысты. 104 пәтерлі үй тоғыз қабатты болмақ. Қазір құрылыс алаңында 50 шақты адам жұмыс жасауда.
Қала әкімінің орынбасары Алтынбек Қайсағалиевтің мәліметінше, бұл ауданда 27 көпқабатты үй болады. Олардың жетеуінің жобалары дайын. Барлық инженерлік желілер тартылған. Ауданда бес әлеуметтік нысан салынады. Оларың да жобалары бар. Алғашқы үйлер «7-20-25» бағдарламасы бойынша берілмек.
– Бұл аудандағы үйлердің қасбеттеріне ерекше талап болуы керек. Қаланың сәулеттік көркі ең замануи стандарттарға сай болуы тиіс. Әдемі, ыңғайлы, материалдары энергия үнемдейтін болғаны жөн. Құрылысшылардың барлығы белгіленген талаптарды сақтауы керек. Бұған дейін тұрғындар тарапынан болған шағымдар ескерусіз қалмасын. Көгалдандыру, абаттандыру жұмысы маңызды, – деп тапсырды Алтай Сейдірұлы. Сондай-ақ тұрғын үйге сұраныстың артуына байланысты тұрғын үй салу қарқынды жүргізілетінін, кезекте тұрғандар мемлекеттік бағдарламалар және мемлекеттік жекеменшік әріптестік аясында тұрғын үймен қамтылатынын атап өтті. Облыс басшысының айтуынша, бүгінде Орал қаласында 19 мың, облыс бойынша 22 мыңазамат тұрғын үй кезегіне алынған. Ағымдағы жылдың жеті айында 251 мың шаршы метр тұрғын үй іске қосылды. Қазір 27 үйдің құрылысы жүруде. Олардың басым көпшілігі «Тұрғын үй құрылыс жинақ банкі» АҚ арқылы 20 пайыздық жарнамен «7-20-25» бағдарламасы негізінде берілетін болады. Келесі жылдан жаңа «Ақжайық» шағынауданында үйлерді салу басталады. Қазір ол аумаққа инженерлік желілер тартылуда.
Эльмира НҰҒМАНОВА
Соңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу