Кіру367 БОРЫШКЕР ШЕТЕЛГЕ КЕДЕРГІСІЗ ШЫҚҚАН
2018 жылдың басынан бері Батыс Қазақстан облысындағы сот орындаушыларында 9,5 мың баланың пайдасына алимент өндіру туралы 7,5 мың құжат болған. Прокурорлық қадағалау актілерімен проблемалық құжаттардың саны 3,5 мың құжаттан 634-ке дейін қысқарған. Тексеріс нәтижесінде уәкілетті органдардың борышкерлерге қатысты шектеу қою шараларын қолданбағаны анықталып отыр.
БҚО прокурорының аға көмекшісі Бауыржан Ахметжанның мәліметінше, 367 борышкер шетелге еш кедергісіз шыққан, 600 борышкердің көлік жүргізу құқығы шектелмеген, 931 тұлғаның мүлкіне тыйым салынбаған, 1,5 мың борышкердің еңбекақысы мен басқа да табысынан алимент ұсталмаған.
Бүгінгі күні борышкерлердің 1 мың кәмелетке толмағандардың алдындағы бережағы 76 млн теңгені құрап отыр.
Сондай-ақ борышкерлерді жұмысқа орналастырумен қатар балаларына алимент төлемегені үшін борышкерлерді қылмыстық жауапкершілікке тарту шаралары қабылдануда. Мысалы, азамат Д. 2016-2018 жылдары кәмелетке толмаған баласын күтіп-бағуға алимент төлемей, нәтижесінде 800 мың теңгеден астам берешек пайда болған. Орал қаласы прокуратурасының бастамасымен ол ӘҚБтК-нің 669-бабы бойынша әкімшілік жауапкершілікке 2 рет тартылған. Алайда ол тиісті шешім қабылдамай, алимент төлемеуін жалғастырған. Бұдан бөлек, ол қалалық жұмыспен қамту орталығы ұсынған жұмыстан бас тартқан. Сондықтан Кәмелетке толмағандар істері жөніндегі мамандандырылған ауданаралық сотының баланы күтіп-бағу бойынша міндеттерін орындамағаны үшін (ҚК 139-бабы) оған үш жүз сағатқа қоғамдық жұмыстарға тарту туралы жаза тағайындады.
БҚО прокуратурасы балаларын күтіп-бағуға арналған қаражатты төлеу жөніндегі міндеттерді орындамау қылмыстық құқық бұзушылық болып табылатынын және 2 жыл мерзімге дейін бас бостандығынан айыру жазасы көзделгенін ескертеді.
ЖАЙЫҚ ҮНІ
Версия для печатиСоңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
Астанадан Батыс Қазақстан облысына гуманитарлық көмек жіберілді
«Су тасқынынан зардап шеккендерге өтемақы төлеуде жеделдік қажет»
су тасқынының алдын алу жұмысына 1 577 техника жұмылдырылды
Батысқазақстандық полиция қызметкерлеріне гуманитарлық көмек жіберілді
Пікір үстеу