КіруМЕРЕКЕЛІК МАРАПАТ
Бүгін Қазақстан Республикасының Тәуелсіздігі күні мерекесіне орай Орал қаласы әкімдігінде салтанатты жиын өтті. Жиынға қатысушыларды қала әкімі Мұрат Мұқаев құттықтап, қаланың дамуына үлесқосып жүрген бірқатар азаматтарды облыс, қала әкімі атынан алғыс хаттармен марапаттады.
– Ширек ғасыр бұрын Елбасымыз Нұрсұлтан Әбішұлы Назарбаевтың салиқалы саясатымен дүйім дүниеге тәуелсіздігімізді жария етіп, мәңгілік ел болудың бірегей қадамын жасадық. Ата-бабаларымыздың арманы ақиқатқа айналып, азаттыққа қолымыз жетті. Тарихи оқиғалар тоғысқан 16 желтоқсан біз үшін қасиетті күн саналды! Тұғыры – тыныштық, тірегі – тұрақтылық, тілегі – татулыққа негізделген Қазақ елін бүгінде әлем бейбітшілік бесігі деп мойындайды. Ынтымақты ұран, татулықты ту еткен бейбіт халқымыздың 27 жылда бағындырған белестері орасан. Осы уақыт аралығында әлемнің дамыған 30 елінің қатарына ұмтылған мемлекетіміздің толағай табыстары көп, – деген Мұрат Рахметұлы Тәуелсіздік жылдары Орал қаласының әлеуметтік-экономикалық салалар бойынша қол жеткізген табыстарына тоқталды.
1996 жылмен салыстырғанда шаһар тұрғындарының саны 50 пайызға өсіп, бүгінде 250 мыңға жеткен. 2030 жылдары халық саны жарты миллионға дейін жетеді деп күтілуде. 1991 жылдан бері қалада көптеген құрылыстар жүргізілді. 20 шақты мемлекеттік балабақша салынды. 50 жеке мектепке дейінгі ұйым ашылды. 17 жаңа орта білім беретін мектеп іске қосылды. 2005 жылдан бастап тұрғын үй құрылысы бағдарламасы аясында 80-нен астам көп қабатты үй салынды.
Өндіріс көлемі еселеп артты. Егер 1994 көрсеткіш 4 млрд. теңге болса, 2018 жылдың 10 айындағы көрсеткіш бойынша 102 млрд.-қа жетіп отыр. Инвестиция көлемі осы жылдарда 112-ге ұлғайған. Қала бюджеті 205 миллионнан 42 млрд.-қа жетті. 2001 жылдан бері қала ішінде жалпы ұзындығы 300 шақырымнан астам жол жөнделді.
Облыс орталығында жыл сайын 3000-дай жұмыс орыны ашылуда. Кәсіпкерлікпен айналысушылар көбеюде. Сондай-ақ цифрландыру аясында қалада бірнеше бағытта жұмыстар жүргізілуде. 2017 жылы қала әкімдігінде жеке және заңды тұлғалардың өтініштерін кедергісіз қабылдау мақсатында «Ашық әкімдік» алаңы ұйымдастырылды. Жобаны алғашқы болып енгізген Орал қаласы әкімдігінің тәжірибесін бүгінде басқа өңірлер алуда.
Салтанатты жиында қалалық сәулет және қалақұрылысы бөлімінің басшысы Т.Шәкіржанов, қалалық дене шынықтыру және спорт бөлімінің басшысы А.Нұрмұханбетов, қалалық жергілікті полиция қызметінің бастығы М.Жәрдемов, қалалық ардагерлер Кеңесі Президиумының мүшесі В.Шарина, №13 орта мектеп директоры Н.Раисов, «Ләззат» жеке кәсіпкерлігінің иесі Нұргүл Ашықова, «Жәңгір хан» атындағы сауда үйінің директоры Қ.Абатов, «Батыс Қазақстан көлікпен тасымалдаушылар қауымдастығы» ЗТБ атқарушы директоры А.Мұқанов, «УралТехСервис» ЖШС директоры Александр Баклан, кеңесшісі Н.Бекқайыр, «Ақжол авто» ЖШС директоры Э.Вагапов және басқалары облыс әкімі атынан алғыс хат алды.
Қалалық бөлім мамандары, құқық қорғау саласы қызметкерлері және қалалық мәслихат депутаты В.Власов, «Алтындар» ЖШС директоры Д.Барабаш, «Жайық Таза қала» ЖШС директоры А.Саққазов, жұмысшылары А.Қарасаев, Н.Жақанов, «Батыс су арнасы» ЖШС кәріз желілері мен құрылыстарын пайдалану қызметінің басшысы Т.Мүсілімов, «Жайық жарығы» ЖШС учаске басшысы Е.Белхайров, «ОралТаза Сервис» ЖШС жүргізушісі А.Коблов, «Северный» ПИК төрағасы А.Танченко, «Еділ-Жайық ПИК төрағасы М.Супреев, «Коммунальник» ПИК төрайымы Т.Роточкова, «Жайық жылу қуат» АҚ дәнекерлеушісі Ә.Құдайбергенов қала әкімінің алғыс хатымен марапатталды.
Қала басшысы Мұрат Рахметұлы мемлекеттік тапсырмаларды орындауда, қаланың дамуында әр азаматтың еңбегі зор екенін атап, әсіресе үкіметтік емес ұйым өкілдеріне, жеке кәсіпкерлерге, коммуанлдық сала қызметкерлеріне алғысын білдірді.
Елмұра АСХАТҚЫЗЫ
Версия для печати
Соңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
Пікір үстеу