КіруБҚО Құқық қорғау қызметтері орталығы азаматтар үшін
Батыс Қазақстан облысы прокуратурасының бастамасымен ашылған Құқық қорғау қызметтері орталығының ашылғанына бір жыл.
Батыс Қазақстан облысының прокуратурасының мәліметінше, осы кезеңде орталыққа 1,5 мың. адам келген. 940 тұлғаны прокурорлар қабылдаған. Адвокаттың тегін қызметін 301 адам пайдаланса, медиатордан – 97, заңгерден – 68, сот орындаушыдан – 30 тұлға ақыл-кеңес алды.
Құқық қорғау органдарының қызметкерлері үшін мамандардың қатысуымен 8 семинар мен тренинг, түрлі акциялар ұйымдастырылған. Мысалы, тамыз айында өткен «Ашық есік күндері» аясында 100 адамға жер, тұрғын-үй заңнамалары және сот актілерінің орындалуы турасында кеңес берілген.
Айта кету керек, орталықтың жұмысы «бір терезе» қағидасы арқылы халықтың қиындықтарын кешенді шешуге бағытталған. Бұл жерде азаматтар мемлекеттік органға немесе сотқа «E-gov» порталы арқылы арыз бере алады, бұрын берілген өтінішінің нәтижесін тексеріп, облыс прокуратурасының басшылығына қабылдауға жазылып, прокурор мен басқа да мамандардан заң көмегін ала алады.
Азаматтарды қабылдау электронды кезек жүйесімен жүргізіледі. Орталық «Smart Uralsk» ғимаратында (Орал қаласы, Шаған жағалауы, 84) орналасқан және сағат 09.00-дан 18.30-ға дейін жұмыс жасайды.
Соңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу