Кіру22 мұғалім «Алғыс хат» алды!
Бүгін, Орал қаласындағы «Атамекен» өнер ордасында ұстаздар күніне арналған»Қалдырған ізің мәңгілік»атты тақырыпта салтанатты жиын болып өтті. Жиынға облыс әкімі Ғали Есқалиев, білім саласының ардагерлері, колледж, мектеп директорлары, білім бөлімінің басшылары және ұстаздар қатысты. Шарада өңір басшысы Ғ. Есқалиев мұғалімдерді құттықтап, 22 ұстазды алғыс хатпен марапаттады. Сондай-ақ С. Сейфуллин атындағы №11 облыстық мамандандырылған мектеп—лицейінің математика пәнінің мұғалімі Жақсымбет Ғизатовқа» Батыс Қазақстан облысының білім беру саласына қосқан үлесі үшін» төсбелгісін және бір жылдық сыйақы табыстады. Бұдан кейін облыстық білім беру бөлімінің басшысы Айгүл Мыңбаева ҰБТ қорытындысымен республикалық «Үздік 100» мектептің қатарына енген білім ордаларын және Bilim HIGH телевизиялық жобаның жетекшілерін алғыс хаттармен марапаттады. Кәсіподақ ұйымының төрағасы Марат Даупаев үздік педагогтарға «Жалын»номинациясын, мектеп директорының орынбасарларына «Серпін» номинациясын табыстады. Сонымен қатар бірқатар ұстаздарға «Ақжайық» шипажайына жолдама берді. Шара соңы концертке ұласты.
Гүлхан Аяз
«Жайық үні»
Соңғы жаңалықтар
Орал қаласының әкімі Миржан Сатқанов денсаулық жағдайына байланысты өз еркімен жұмыстан босатылды.
Пікір үстеу