Кіру12 жасар Ислам Қабдоллов ЖЫЛ ҮЗДІГІ АТАНДЫ
Орал қаласындағы «Атамекен» өнер ордасында жылдың үздік спортшылары марапатталды.
Биыл 11 жасында батуттық гимнастикадан Бакуде өткен әлем чемпионатында жеңімпаз атанған Ислам Қабдоллов «Жыл серпілісі» аталымымен марапатталды.
БҚО дене шынықтыру және спорт басқармасының басшысы Қаймен Есендияровтың айтуынша, биылғы жыл өңір спортшылары үшін жемісті болды.
Соның ішінде жуырда, Тәуелсіздік күні 12-ге толған Ислам жасөспірімдер арасында өңірде алғаш рет спорттық акробатикадан әлем чемпионы атанды.
«Ислам Қабдоллов болашағынан үлкен үміт күттіреді. Біз осындай жас жеткіншектерімізді қолдауымыз керек. Ислам бапкері Альберт Тілепқалиевпен бірге әлі талай жеңіске қол жеткізеді деп ойлаймын», деді Қ.Есендияров.
Сондай-ақ дзюдошы Карина Такиева «Үміт артар спортшы», Орал қаласының дене шынықтыру және спорт бөлімі «Бұқаралық спортты дамытуға қосқан үлесі үшін», волейболдан «Грация-KZ» клубы «Үздік команда», Қасым Қаженов «Үздік бапкер», №2 балалар-жасөспірімдер спорт мектебі «Үздік спорттық ұйым», паратаеквондодан әлем чемпионы Мәлік Мұқашев «Паралимпиадалық спорт түрлерінен үздік спортшы» атанды.
Сол секілді тоғызқұмалақтан Азия чемпионы Жарасхан Сағынбаев «Ұлттық спорт түрлерінен үздік спортшы», грэпплинг шебері Зайреден Мұхамбетжанов «Олимпиадалық емес спорт түрлерінен үздік спортшы», шорт-тректен 2021 жылғы әлем кубогы кезеңінің күміс жүлдегері Әділ Ғалиахметов «Қысқы спорт түрлерінен үздік спортшы», бокстан Азия чемпионатының күміс жүлдегері Даниял Сәбит «Жазғы олимпиадалық спорт түрлерінен үздік спортшы» аталымы бойынша үздік шықты.
Қорытынды іс-шара барысында спорт саласының қызметкерлері Қазақстан Республикасының Мәдениет және спорт министрлігінің ведомстволық наградасымен, Батыс Қазақстан облысы әкімдігі, Қазақстан Республикасының Мәдениет және спорт министрлігі Спорт және дене шынықтыру істері комитеті және БҚО дене шынықтыру және спорт басқармасының алғысхаттарымен марапатталды.
Басқармадан түскен мәліметке қарағанда, қазіргі кезде облыста дене шынықтыру мен спортпен жүйелі шұғылданушылар саны 232 680 адамға жетті. Бұл – өңір халқының 35 пайызы.
2021 жылы облыс спортшылары түрлі додаларда 1071 медаль жеңіп алды. Соның ішінде әлем чемпионатында 14 алтын, 7 күміс, 6 қола, Азия біріншілігінде 8 алтын, 8 күміс, 3 қола жүлдеге ие болды.
https://lenta.inform.kz/kz/12-zhasar-alem-chempiony-islam-kabdollov-zhyl-uzdigi-atandy_a3879624
Соңғы жаңалықтар
Партиялар бір күнде білім беру, экология, тарихи жады және еңбек тақырыптарын қалай тоғыстырды?
Оралда қоғамдық көліктерде жолақы төлеу тәртібіне мониторинг жүргізілді
Қазақстанда Құрылтай сайлауына бір айға жетер-жетпес уақыт қалды: кімді сайлаймыз?
Өңір басшысы әлемдік рекорд орнатқан өнертапқыш өрендерді қабылдады
Сайлауалды науқан: Qarmet-тен бизнес-форумға дейін – партиялар үгіт-насихат жұмыстарын жалғастыруда
Әлеуметтік маңызы бар азық-түлік тауарларының бірқатарының бағасы төмендеді
Экспериментальная база НЯЦ РК помогает совершенствовать безопасность современных АЭС
Атом саласындағы жаңа кезең: Қазақстанның бұл бағытта негізгі жетістіктері қандай?
Бір мінбер, жеті партия: сайлауалды науқандағы алғашқы саяси тартыс нені көрсетті?
Үгіт науқаны басталған соң партиялардың электоралды рейтингісі өзгерді
Сайлау науқаны кезеңінде дипфейктер жиілеуі мүмкін: Жалған ақпаратқа қарсы іс-қимыл орталығы ескертеді
Құрылтай сайлауы: «Ақ жол» Respublica-ға жауап берсе, Қазақстан Халық партиясы ЖСДП сынына ашық үн қатты
Мемлекеттік қызмет көрсету процесін жетілдіру бойынша жұмыс жалғасуда.
Азаматтардың басым көпшілігі «Заң мен Тәртіп» қағидаты мен «Таза Қазақстан» идеясын қолдайды – сауалнама
Саяси пікірталас күшейді: ҚХП ЖСДП бағдарламасындағы бастамаларды сынға алды
Шағын модульдік реакторлар – Қазақстанның болашақ энергетикасының жаңа бағыты
Хан тоғайындағы 18 гектар аумақты шарпыған өрт толық сөндірілді
Пікір үстеу