Кіру10 МЫҢ АДАМ СУҒА ШОМЫЛДЫ
«Крещение Господня» мерекесі күні Батыс Қазақстан облысында 10 мыңнан астам адам суға шомылды.
Мереке қарсаңында Батыс Қазақстан облысы Төтенше жағдайлар департаменті Жедел-құтқару жасағының құтқарушылары халық арасындағы ең танымал орындардағы жаппай шомылу бойынша мұз ойықтарына ыңғайлы ағаш баспалдақтар дайындады. Жасақтың құтқарушылары суға шомылу үшін арнайы бөлінген 7 орынға кезекшілік етті, жеке құрамның 45 құтқарушысы және 9 техника тартылды. Кезекшіліктегі құтқарушылар дін қызметкерлерінен өз бекеттеріне кешкі сағат 23:00 уақытында 18 күні алдын ала келіп, түнгі сағат 24-00 уақытында 19 күні суға түсушілердің жанында олардың қауіпсіздігін сақтады. Суда құтқару қызметінің басшысы Алексей Еремеевтің айтуынша, осы жылы жасақ құтқарушылары кезекшілік еткен жерлерде 6620 адам суға шомылды.
Кезекшілік барысында құтқарушылар суға тусуге халыққа көмектесіп оның ішінде, қарттарға және балаларға, ауырған адамдарға суда тусуге көмектесіп, қауіпсіздік қағидалары насихаталды, алкоголдік ішімдік ішкен күйде суға түспеу, мұз үстіне халықтың үймелеуіне жол берілген жоқ, ата-аналарға балаларын қадағалау ескертілді.
«Крещение Господня» мейрамы барысында полиция қызметкерлерімен бірігіп атқарған қызметтің нәтижесінде оқыс оқиғалар, төтенше жағдайлар орын алған жоқ.
Бөрлі ауданы бойынша құтқарушылар шоқыну иордандары мен прорубтар орналасатын Ақсай қаласы және Бөрлі, Приурал, Бумакөл, Облавка, Жарсуат, Кеңтүбек ауылының суқоймаларын тексеріп өтті. Сонымен қатар, адамдардың жаппай мұз айдындарына шығу кезіндегі қауіпсіздік шараларын қарады. Ақжайық ауданында қауіпсіздікті қамтамасыз ету мақсатында киім-кешектерді ауыстыру үшін екі шатыр орналастырылды. Сондай-ақ Чапаев ауылында төтенше жағдайлар бөлімі мен №6 құтқару жасағы және Тайпақ ауылында №18 ӨСБ-нің қызметкерлері мен жедел- жәрдем бригадалары күшейтілген кезекшілік ұйымдастырады.
Бұл күні жалпы Батыс Қазақстан облысы бойынша 10 228 адам суға шомылды.
Батыс Қазақстан облысы ТЖД Мемлекеттік тіл және ақпарат тобы
Версия для печатиСоңғы жаңалықтар
«Су тасқынынан зардап шеккендерге өтемақы төлеуде жеделдік қажет»
Батысқазақстандық полиция қызметкерлеріне гуманитарлық көмек жіберілді
Пікір үстеу