ЖЕМҚОРЛЫҚҚА ЖОЛ БЕРГЕН 35 ЛАУАЗЫМДЫ ТҰЛҒА СОТТАЛДЫ

2018 жылы сыбайлас жемқорлық қылмыс жасағаны үшін Батыс Қазақстан облысынан 35 лауазымды тұлға сотталған. Бұл туралы бүгін өңірлік коммуникациялар алаңында өткен брифингте айтылды.

ҚР Мемлекеттік қызмет істері және сыбайлас жемқорлыққа қарсы іс-қимыл Агенттігінің БҚО бойынша департамент басшысы, Әдеп жөніндегі кеңес төрағасы Б.Исақовтың мәліметінше, 35 лауазымды тұлғаның 21-і орталық мемлекеттік органдардың аумақтық бөлімшелері, 9-ы жергілікті атқарушы орган, ал 5-і квазимемлекеттік сектор қызметкерлері.

Сотталушы мемлекеттік орган қызметкерлерінің 13-і полиция органдарынан, екеуі – Ұлттық банк, екеуі – мемлекеттік кірістер органдары, біреуі – ішкі мемлекеттік аудит және біреуі– әділет департаментінің қызметкерлері.

Жергілікті атқарушы органдардан, атап айтқанда Ақсай қаласы әкімінің міндетін атқарушы, бір облыстық басқарма басшысы, екі тұрғын үй шаруашылығы, жолаушылар көлігі және автомобиль жолдары бөлімі басшысы мен бір орынбасары, бір облыстық басқарманың бөлім басшысы, қала және аудан әкімдіктерінің бөлімдерінен үш адам сотталды.

Әкімшілік сыбайлас жемқорлық құқықбұзушылықтарын жасағаны үшін 5 адам жауапкершілікке тартылған. Олардың төтртеуі білім саласы қызметкері болса, біреуі ҚР Қорғаныс істері министрлігінің әскери бөлімі қызметкері.

Мемлекеттік қызметке кір келтіретін теріс қылық жасағаны үшін 88 тұлға тәртіптік жауапкершілікке тартылған. Оның 82-сі орталық мемлекеттік органдардың аумақтық бөлімшелерінен болса, алтауы жергілікті атқарушы органдардан.

Сонымен қатар департамент басышысы сыбайлас жемқорлыққа қарсы мониторинг нәтижелерімен таныстырды.

Эльмира НҰМАНОВА

Версия для печати