КіруТҰТЫНУШЫЛАРДЫ АЛДАҒАН
Орал қаласындағы жеке кәсіпкер В.Колесникова өндіретін «Морозко» тартылған сиыр етінен шошқаның ДНҚ-сы табылды.
Бүгін өңірлік коммуникациялар қызметінің ақпарат алаңында өткен баспасөз мәслихатында БҚО қоғамдық денсаулық сақтау департаментінің басшысы Жайдар Құрманов тағам өнімдеріне қауіпсіздік мониторингін жүргізу барысында 3 992 үлгі зерттелгенін жеткізді.
– Бизнеске салмақ салмау үшін тексерілетін өнімдерді азық-түлік және басқа да тауарларды сауда орындарынан өзіміз сатып аламыз. Бұл Үкімет деңгейінде шешілген. Ол үшін арнайы қаржы бөлініп отыр. Биыл 6 млн. теңгеге 291 сауда орнынан 3 992 үлгі сатып алынып, облыстық ұлттық сараптама орталығында зерттелді. Негізінен тағамдық өнімдерге басымдық берілді, – дейді Жайдар Бисембайұлы.
Сараптама нәтижесінде 454 үлгі техникалық регламент талаптарына сай болмай шыққан. Соның ішінде 230 тағам өнімдерінен сәйкессіздік анықталған. Сәйкессіздіктердің басым бөлігі таңбалануына қатысты. Яғни, таңбада мемлекеттік және орыс тіліндегі ақпарат, атауы, құрамы, дайындалу және сақтау мерзімі, тағамдық құндылығы, Кеден одағы мүше елдерінің бірыңғай белгісі көрсетілмеген.
Микробиологиялық көрсеткіштер бойынша 54 өнімнен сәйкессіздік анықталған. Мәселен, Бөрлі ауданы «Жас тал» дүкенінен алынған «Южная» құс етінен жасалған шұжықтың микробиологиялық көрсеткіштері талапқа сай болмаған. Сол сияқты Зеленов ауданы «Румянцева Л.С» жеке кәсіпкерлігіне тиесілі «Березка» дүкенінен алынған «Традиоционное» сары майы, Орал қаласындағы «Алтындар» супермаркетінен алынған «Треугольники кальмаровые в панировке» балық өнімі, «Казанцева Н.В» жеке кәсіпкерлігіне тиесілі «Әсем» дүкенінен алынған ванильді «Пломбир» балмұздағынан ішек таяқшалары тобындағы бактериялар табылған.
Жайдар Бисембайұлының айтуынша, сәйкессіздіктің басым бөлігі Кеден одағына мүше елдерден анықталған. Оның ішінде Ресей, Беларусь және отандық өндірушілерден. Шетелдерден келген өнімдердің 26-сынан ғана сәйкессіздік шыққан. Бұл – Испания, АҚШ, Исландия, Италия, Украина, Өзбекстан, Әзербайжаннан келген өнімдер.
Сондай-ақ департамент басшысы тексеру нәтижесінде тұтынушыларды алдау фактісі анықталғанын мәлім етті.
– «Морозко» тартылған сиыр етінен шошқаның ДНҚ-сы анықталды. Алайда, өнімнің таңбасында сиыр еті ғана көрсетілген. Шошқа етін өнімдерін шығаруға тыйым жоқ. Бірақ, сыртқы заттаңбада көрсетілген ақпарат өніммен сәйкес болуы тиіс. Олай болмаса, тұтынушыны алдау болып саналады. Аталған факт бойынша өндірушіні әкімшілік жауапкершілікке тарту үшін материалдар БҚО Ішкі істер полициясына жіберілді, – дейді Жайдар Құрманов.
Эльмира НҰҒМАНОВА
Версия для печатиСоңғы жаңалықтар
Партиялар бір күнде білім беру, экология, тарихи жады және еңбек тақырыптарын қалай тоғыстырды?
Оралда қоғамдық көліктерде жолақы төлеу тәртібіне мониторинг жүргізілді
Қазақстанда Құрылтай сайлауына бір айға жетер-жетпес уақыт қалды: кімді сайлаймыз?
Өңір басшысы әлемдік рекорд орнатқан өнертапқыш өрендерді қабылдады
Сайлауалды науқан: Qarmet-тен бизнес-форумға дейін – партиялар үгіт-насихат жұмыстарын жалғастыруда
Әлеуметтік маңызы бар азық-түлік тауарларының бірқатарының бағасы төмендеді
Экспериментальная база НЯЦ РК помогает совершенствовать безопасность современных АЭС
Атом саласындағы жаңа кезең: Қазақстанның бұл бағытта негізгі жетістіктері қандай?
Бір мінбер, жеті партия: сайлауалды науқандағы алғашқы саяси тартыс нені көрсетті?
Үгіт науқаны басталған соң партиялардың электоралды рейтингісі өзгерді
Сайлау науқаны кезеңінде дипфейктер жиілеуі мүмкін: Жалған ақпаратқа қарсы іс-қимыл орталығы ескертеді
Құрылтай сайлауы: «Ақ жол» Respublica-ға жауап берсе, Қазақстан Халық партиясы ЖСДП сынына ашық үн қатты
Мемлекеттік қызмет көрсету процесін жетілдіру бойынша жұмыс жалғасуда.
Азаматтардың басым көпшілігі «Заң мен Тәртіп» қағидаты мен «Таза Қазақстан» идеясын қолдайды – сауалнама
Саяси пікірталас күшейді: ҚХП ЖСДП бағдарламасындағы бастамаларды сынға алды
Шағын модульдік реакторлар – Қазақстанның болашақ энергетикасының жаңа бағыты
Пікір үстеу