КіруОрал қаласында Даму және шығармашылық орталығының құрылысы басталады
Орал қаласының Зашаған кентінде балаларға қосымша білім беруге арналған жаңа Даму және шығармашылық орталығының құрылысы басталады.
Нысанның құрылыс алаңына Батыс Қазақстан облысының әкімі Нариман Төреғалиев пен Орал қаласының әкімі Мұрат Байменов арнайы барып, жобаның негізгі тұжырымдамасымен, жоспарланған жұмыстардың барысымен және алдағы кезеңдердегі міндеттермен танысты.
Кездесуге білім басқармасының басшылығы мен жобаға жауапты сала мамандары қатысып, орталықтың сәулеттік-жоспарлау шешімдері, құрылыс кезеңдері, материалдық-техникалық жабдықталуы және балаларға ұсынылатын қосымша білім беру бағыттары бойынша презентация ұсынды.
Жаңа нысан кенттегі балалар санының өсуіне байланысты қосымша білім беру орындарына деген қажеттілікті өтеуге бағытталған.
Бүгінде Зашаған кентінде 8 мектеп жұмыс істейді. Олардың жалпы жобалық қуаты 8 036 орын болғанымен, қазіргі таңда мектептерде 14 589 оқушы білім алуда. Бұл білім беру ұйымдарына түсетін жүктеменің жоғары екенін көрсетеді.
Осыған байланысты балалардың бос уақытын тиімді ұйымдастыруға, шығармашылық және спорттық қабілеттерін дамытуға мүмкіндік беретін заманауи орталық салу қажеттілігі туындап отыр.
Жоба аясында мектепалды даярлық сыныптары, STEM кабинеттері, шығармашылық және өнер үйірмелеріне арналған бөлмелер, музыка және вокал студиялары, тіл курстары, оқу кабинеттері, акт залы мен асхана қарастырылған.
Сонымен қатар балалардың спорттық қабілеттерін дамытуға арналған бассейн, спорт және ұлттық ойындар залдары, теннис корты, күрес және баскетбол залдары болады.
Жоба Зашаған кентіндегі әлеуметтік инфрақұрылымды дамытуға, өскелең ұрпақтың сапалы қосымша білім алуына қолайлы орта қалыптастыруға бағытталып отыр. Орталықтың іске қосылуы балалардың қабілетін ашуға, олардың жаңа білім мен дағдыларды меңгеруіне және шығармашылық әлеуетін дамытуына жол ашады. Осылайша жаңа орталық білім беру, шығармашылық және спорттық бағыттарды бір нысанға біріктіретін кешенді алаңға айналады.
Нысанның жалпы ауданы 3 100 шаршы метрді, ал жер телімінің аумағы 2,18 гектарды құрайды. Тапсырыс беруші – «БҚО құрылыс басқармасы» ММ. Жобалаушы – «АСТАНАПРОЕКТ» ЖШС, мердігер ұйым – «BI Urban Construction» ЖШС.
Аталған нысанның құрылыс жұмыстарын 2027 жылдың тамыз айында аяқтау жоспарланған.
Өңір басшылығы жобаны сапалы әрі белгіленген мерзімде жүзеге асыру, құрылыс жұмыстарының барысын тұрақты бақылауда ұстау және орталықтың заманауи талаптарға сай жабдықталуын қамтамасыз ету жөнінде тиісті сала мамандарына нақты тапсырмалар берді.
Ә.Бақытжанқызы
Соңғы жаңалықтар
Ерлан Кошанов: наша задача – вовремя слышать и чувствовать настроения людей
Орал қаласында Даму және шығармашылық орталығының құрылысы басталады
Мемлекет басшысы Қасым-Жомарт Тоқаев жұмыс сапарымен Түрікменстанға барды
Зачаган кентіндегі Науша батыр және Бопай ханым көшелерінде жол жөндеу жұмыстары басталды
Бөрлі аудандық ауруханасын жаңғырту жобасының дайындығы 90%-ға жетті
The World Financial Review: как Казахстан изменил экономическую модель за семь лет президентства Токаева
БҚО-да тазалық ережелерін бұзған 7 мыңнан астам адам жауапқа тартылды
Оралда жүргізуші куәлігінен айырылған азамат есірткіге масаң күйде көлік басқарған
Мемлекет басшысына Қорғаныс министрлігін тексеру жөніндегі комиссия жұмысының алғашқы нәтижелері туралы есеп берілді
Ведомствоаралық кеңесте мемлекеттік қызмет және сыбайлас жемқорлыққа қарсы іс-қимыл мәселелері талқыланды
Орал қаласында ауыл шаруашылығы жәрмеңкесі өтті: тұрғындарға қолжетімді бағамен өнімдер ұсынылды
