БАҚ өкілдері мемлекеттік наградамен марапатталды
Батыс Қазақстан облысында өңір журналистерімен арнайы кездесу өтті. Жиынға қатысқан облыс әкімі Нариман Төреғалиев ақпарат саласы өкілдерін 1 шілде – жаңа Конституцияның күшіне енуі мен 28 маусым – Бұқаралық ақпарат құралдары қызметкерлерінің кәсіби мерекесімен құттықтап, қоғамдағы маңызды құндылықтарды қалыптастыру жолындағы журналистер еңбегіне жоғары баға берді.
Аймақ басшысы өз сөзінде Мемлекет басшысы айқындаған заң мен тәртіп, еңбекқорлық, тазалық пен табиғатты қорғау сынды жасампаз құндылықтарды халық санасына сіңіруде бұқаралық ақпарат құралдарының рөлі ерекше екенін атап өтті. Сондай-ақ ақпарат саласының үлкен жауапкершілік пен адалдықты талап ететінін жеткізді.
Кездесу аясында Қазақстан Республикасы Президентінің Жарлығына сәйкес, саналы ғұмырын журналистика саласына арнаған ардагер қаламгер Есенжол Қыстаубаев «Құрмет» орденімен марапатталды. Сонымен қатар AQJAIYQ телеарнасының операторы Рүстем Ищанов көпжылдық еңбегі үшін «Ерен еңбегі үшін» медаліне ие болды.
Марапат иелері ұзақ жылдар бойы өңір журналистикасының дамуына сүбелі үлес қосып, кәсіби тәжірибесін жас буынға үйретіп келеді. Облыс әкімі олардың еңбек жолы кейінгі ұрпақ үшін әрдайым өнеге екенін атап өтті.
Салтанатты шара соңында марапат иелері көрсетілген құрмет үшін ризашылықтарын білдіріп, ел мен өңірдің өркендеуіне ізгі тілектерін жеткізді.
Осылайша, кәсіби мереке қарсаңында өңірдің бірқатар журналисі мен ақпарат саласы ардагерлерінің көпжылдық еңбегі жоғары бағаланып, бүгінде лайықты марапаттарға ие болды. Ақпарат саласының дамуына үлес қосып жүрген барша әріптесімізді құттықтаймыз!
Ә.Бақытжанқызы
Версия для печатиСоңғы жаңалықтар
Международные СМИ отметили устойчивость экономики Казахстана на фоне глобального замедления
Көктемгі шақыру қорытындысы: Қазақстан әскері 21 мыңнан астам азаматпен толықты
Адами капиталды дамыту мемлекеттің стратегиялық басымдығына айналды – Қазақстанның жаңа Конституциясы күшіне енді
Жаңа Конституция: адвокатураның конституциялық мәртебесі, зияткерлік меншік құқықтарын қорғау және заңдардың кері күшіне жол бермеу
Теңге получил конституционный статус национальной валюты Казахстана
Жасанды интеллект дәуіріндегі конституциялық кепілдіктер: Қазақстан азаматтарының деректерін қорғаудың жаңа кезеңі
Мемлекет басшысы «Қазақстан Республикасы Құрылтайының сайлауын тағайындау туралы» Жарлыққа қол қойды
Омбудсмен: Адам құқықтарының басымдығы – бүкіл Конституцияның арқауы
Қазақстан Халық партиясының Қазақстан Республикасының жаңа Конституциясының күшіне енуіне байланысты мәлімдемесі
Мемлекеттік секторда сыбайлас жемқорлықтың алдын алу бағытындағы жұмыстар жалғасуда
Қазақстан Республикасы Жаңа Конституциясының күшіне енуіне орай «Ақ жол» Демократиялық партиясының мәлімдемесі
Жаңа Конституция жеке бас бостандығы мен әділ сот төрелігінің кепілдіктерін күшейтті
«Әділет» партиясы тау-кен металлургия кешенін дамыту жөніндегі бизнес бастамаларын талқылады
Шығармашылық еркіндік пен волонтерлікті қолдау: жаңа Конституцияның азаматтық қоғамды дамытудағы рөлі
Мемлекет басшысы Қасым-Жомарт Тоқаевтың Қазақстанның Жаңа Конституциясының күшіне енуіне орай үндеуі
Численность занятого населения в ключевых отраслях экономики продолжает расти
Ақсай қаласында жаңғыртылған теміржол вокзалы пайдалануға берілді
Жайық үстінен жаңа көпір салынады: өңірлік инфрақұрылымның жаңа кезеңі

Кіру

