КіруАқжайық жолдары – жаңарту кезеңінде
Батыс Қазақстан облысының әкімі Нариман Төреғалиев жұмыс сапары аясында Ақжайық ауданындағы жол инфрақұрылымын жаңарту жұмыстарының барысымен танысты. Өңір басшысы «Чапаев – Жалпақтал – Казталовка – РФ шекарасы» бағытындағы республикалық маңызы бар автожолдың жөнделіп жатқан учаскесін арнайы барып көрді.
Қазіргі таңда аталған жолдың 0-17 шақырым аралығында күрделі жөндеу жұмыстары жүргізілуде. Жалпы құны 2,7 миллиард теңгені құрайтын жобаны «ТОБИ» ЖШС жүзеге асыруда. Жоба аясында 16,5 шақырым жол заманауи ресайклинг технологиясы арқылы қайта жаңартылмақ.
Мамандардың айтуынша, жол төсеміне ірі түйіршікті әрі жоғары беріктікке ие асфальт жабындысы төселеді. Сонымен қатар көлік қозғалысын бақылауға арналған автоматтандырылған өлшеу жүйесін орнату да жоспарланған.
Бүгінде құрылыс жұмыстары кезең-кезеңімен орындалып жатыр. Қазіргі есеп бойынша 4,5 шақырым аумақта жолдың негізгі қабаты дайындалған. Нысан басында 30-ға жуық арнайы техника жұмылдырылып, құрылысқа қажетті материал қоры толық қамтамасыз етілген. Жөндеу кезеңінде көлік қозғалысы уақытша айналма жол арқылы ұйымдастырылған.
Жұмыс барысын бақылаған өңір басшысы мердігер мекемеге құрылыс сапасына ерекше мән беріп, жобаны осы жылдың қазан айына дейін толық аяқтауды тапсырды. Сондай-ақ келесі жылы Қабыршақты ауылына дейінгі жолдың жекелеген бөліктерін қалпына келтіру жоспарланып отырғанын атап өтті.
Автожолдардың сапалы болуы – халықтың тұрмыс сапасы мен өңір дамуының маңызды көрсеткіштерінің бірі. Сондықтан қолға алынған бұл жоба алдағы уақытта ауданаралық байланысты күшейтіп, тұрғындар үшін қолайлы инфрақұрылым қалыптастыруға негіз болады.
Ә.Бақытжанқызы
Соңғы жаңалықтар
Мемлекет басшысы АҚШ Конгресі Өкілдер палатасының делегациясын қабылдады
«ТАЗА ҚАЗАҚСТАН»: ЖАСТАР ҮГІТ МАТЕРИАЛДАРЫН ЖИНАП, ҚАЛА ТАЗАЛЫҒЫНА ҮЛЕС ҚОСТЫ
Қазақстандағы төмен байытылған уран банкі: сақтау кезінде қандай технологиялар қолданылады?
Әлеуметтік күн тәртібі мен еркін үгіт-насихат: байқаушылар Қазақстандағы сайлау науқанының барысына өз бағасын берді
Мемлекет басшысы халықаралық пән олимпиадалары жеңімпаздарымен және жүлдегерлерімен кездесті
«Байтақ» партиясы халықтың таңдауына құрметпен қарайды» – Азаматхан Әміртаев
Миссия наблюдателей от СНГ представила итоговую оценку прошедших в Казахстане выборов депутатов Курултая
«ДАУЫС» қоғамдық байқаушылар коалициясы Құрылтай депутаттарын сайлауға жүргізілген мониторингтің алдын ала қорытындысын жариялады
ТМД миссиясы Құрылтай сайлауын әділ, бәсекеге толы әрі ашық өтті деп бағалады
«ДАУЫС» коалициясы Құрылтай сайлауындағы қоғамдық байқаудың алдын ала қорытындысын жариялады
Наблюдатели в ЗКО зафиксировали высокую явку и отсутствие нарушений
Орал төріндегі тарихи таспа: «Қосшығұлов: шоколад фабрикасы» актерлері Құрылтайда дауыс берді
Оралдағы №502 сайлау учаскесінде балаларға арналған аквагрим ұйымдастырылды
Спорт алаңынан сайлау учаскесіне: танымал қазақстандықтар дауыс беруге қатысты
ЧЕМПИОНДАР ТАҢДАУЫ: СПОРТ САҢЛАҚТАРЫ ЕЛДІК НАУҚАННАН ҚАЛЫС ҚАЛМАДЫ
Мемлекет басшысы Қазақстан Республикасының Құрылтай депутаттары сайлауында дауыс берді
Тұсаукесер, ретро және кино кейіпкерлері: Құрылтайға алғашқы сайлау күнін қазақстандықтар мерекелік көңіл-күйге ұластырып жатыр
