КіруБҚО-ДАҒЫ СОТТА ТРАНСҰЛТТЫҚ ҰЙЫМДАСҚАН ТОПҚА ҚАТЫСТЫ ҮКІМ ШЫҚТЫ
БҚО-да даулы іске нүкте қойылды. БҚО қылмыстық істер жөніндегі мамандандырылған ауданаралық сотында Украина азаматтары Игорь Дунаевский мен Виталий Малюкқа қатысты сот үкімі жарияланды. Сот төрағасының міндет атқарушы Бақыт Ермаханов ҚР Қылмыстық Кодексінің 297-бабы 4-бөлігі (есірткі, психотроптық заттарды, сол тектестерді өткізу мақсатында заңсыз дайындау, сақтау, өткізу және қылмыстық топпен аса ірі мөлшерде психотроптық заттарды өткізу), 264-бабы 2-бөлігіне (трансұлттық қылмыстық ұйымға қатысу) сәйкес И.Дунаевский 19 жыл, В.Малюк 18 жылға бас бостандығынан айырылды.
Сот кезінде шетелдіктер батыс өңірін тыңғылықты зерттегенін жасырмады. Содан кейін ресми серіктестік құрып, облыста бұрын-соңды болмаған «өндіріс орнын» ашқан. Ауылдағы жасырын цехтан химиялық қоспаның сан алуан түрі табылды. Зертханада 30 келі синтетикалық есірткі дайындалған. Бірақ «кеткен тал қармайдының» керімен, күдіктілер бұл іске полицияның қатысы бар деп кінәлады.
БҚО полиция департаменті есірткі қылмысына қарсы іс-қимыл басқармасының бастығы Әлішер Сарының айтуынша, тәркіленген есірткі тектес зат толықтай жойылған.
– Тәркіленген есірткі тектес зат толықтай жойылды. Синтетикалық заттардың жойылған сәті видеоға түсірілді. Барлығы 30 келіден астам синтетикалық есірткі тәркіленіп, барлық дәлел, заттай айғақтар жойылды. Сондықтан күдіктілердің полицияны қаралауы негізсіз. Өздерінің жазасыз қалмайтынын білген соң, ел назарын басқаға аударып, қаралауға тырысты,– дейді БҚО полиция департаменті есірткі қылмысына қарсы іс-қимыл басқармасының бастығы Әлішер Сары.
Украина азаматтары Ресейдің бірнеше облысымен шектесетін Оралды әдейі таңдап алыпты. Тіпті жергілікті халықтың орыс тілінде жақсы сөйлейтінін де ескерген. Бірақ шетелдегі сыбайластары шеткері қалды. Дегенмен, оларға байланысты қылмыстық іс қозғалыпты.
– Қажет құрал-жабдықтар, жұмсалатын қаражат өзге мемлекеттерден атап айтқанда, Золотая Корона, Москва, Ресей Федерациясынан әкелінген. Мұны «транш» дейді. Ақша басқа жақтан бөлініп отырғанын өздері теріске шығармайды. Бас-аяғы 36 мың доллар көлемінде ақша жұмсағандарын сот процесінде өздері мойындады. Игорь Дунаевский 19 жылға, Виталий Малюк 18 жылға сотталды,– деп мәлім етті судья Бақыт Ермаханов.
Мұндай трансұлттық деңгейдегі ұйымдасқан қылмыстық топ өңірде алғаш рет құрықталды. Оралды синтетикалық есірткі орталығына айналдырғысы келгендер мұнымен келіспейді, аппеляцияға шағымданбақ.
Айнара ИСА,
zhaikuni.kz
Версия для печатиСоңғы жаңалықтар
Партиялар бір күнде білім беру, экология, тарихи жады және еңбек тақырыптарын қалай тоғыстырды?
Оралда қоғамдық көліктерде жолақы төлеу тәртібіне мониторинг жүргізілді
Қазақстанда Құрылтай сайлауына бір айға жетер-жетпес уақыт қалды: кімді сайлаймыз?
Өңір басшысы әлемдік рекорд орнатқан өнертапқыш өрендерді қабылдады
Сайлауалды науқан: Qarmet-тен бизнес-форумға дейін – партиялар үгіт-насихат жұмыстарын жалғастыруда
Әлеуметтік маңызы бар азық-түлік тауарларының бірқатарының бағасы төмендеді
Экспериментальная база НЯЦ РК помогает совершенствовать безопасность современных АЭС
Атом саласындағы жаңа кезең: Қазақстанның бұл бағытта негізгі жетістіктері қандай?
Бір мінбер, жеті партия: сайлауалды науқандағы алғашқы саяси тартыс нені көрсетті?
Үгіт науқаны басталған соң партиялардың электоралды рейтингісі өзгерді
Сайлау науқаны кезеңінде дипфейктер жиілеуі мүмкін: Жалған ақпаратқа қарсы іс-қимыл орталығы ескертеді
Құрылтай сайлауы: «Ақ жол» Respublica-ға жауап берсе, Қазақстан Халық партиясы ЖСДП сынына ашық үн қатты
Мемлекеттік қызмет көрсету процесін жетілдіру бойынша жұмыс жалғасуда.
Азаматтардың басым көпшілігі «Заң мен Тәртіп» қағидаты мен «Таза Қазақстан» идеясын қолдайды – сауалнама
Саяси пікірталас күшейді: ҚХП ЖСДП бағдарламасындағы бастамаларды сынға алды
Шағын модульдік реакторлар – Қазақстанның болашақ энергетикасының жаңа бағыты
Пікір үстеу