Кіру«Ауыл құтқарушысы»: БҚО-да 16 өрт сөндіру бекеті салынады
Бүгін аймақ басшысының орынбасары Қалияр Айтмұхамбетовтің төрағалығымен төтенше жағдайлардың алдын алу және жою жөніндегі облыстық комиссияның кезекті отырысы өтті. Күн тәртібінде 2025–2026 жылдардағы қысқы кезеңнің қорытындылары, өрт қауіпсіздігі шаралары, суға шомылу маусымына дайындық және «Ауыл құтқарушысы» бағдарламасын іске асыру барысы қаралды.
Қысқы кезеңде өңірде қолайсыз ауа райына байланысты 52 рет жол жабылып, 28 рет қозғалысқа шектеу енгізілді. Мамандар 42 мәрте апаттық-құтқару жұмыстарына шығып, 41 адамды құтқарып, 92 адамды эвакуациялады.
Өрт қауіпсіздігін қамтамасыз ету мәселесінде қатты тұрмыстық қалдықтар полигондарының жағдайы да назарға алынды. Былтыр 23 жану дерегі тіркелсе, жыл басталғалы 2 факт анықталып, оқшауланған. Облыстағы 410 елді мекеннің өрт қауіпсіздігін 26 мемлекеттік бөлімше қамтамасыз етіп отыр. Сонымен қатар 46 өрт сөндіру бекеті 161 елді мекенді қорғауға мүмкіндік береді. 2025 жылы «Ауыл құтқарушысы» бағдарламасы аясында 8 бекет ашылды. Биыл тағы 16 жаңа нысан салу жоспарланған.
Шомылу маусымы кезеңінде қауіпсіздікті күшейту мәселесі де күн тәртібінен түспейді. Осы мақсатта су айдындарының қауіпті учаскелеріне 387 тыйым салу белгісі мен 81 ақпараттық стенд орнатылып, 7 бағыт бойынша күнделікті патрульдеу ұйымдастырылған.
Облыс әкімінің орынбасары алдағы шомылу маусымын қауіпсіз ұйымдастыру, сақтық шаралары бойынша ақпараттық-түсінік жұмыстарын күшейту қажеттігін қаперге салып, нақты міндеттер жүктеді.
БҚО әкімінің баспасөз қызметі
Версия для печатиСоңғы жаңалықтар
«Ауыл аманаты» ауылды дамытуға серпін беруде: Қаратөбе ауданында сүт өндірісінің ауқымы кеңейіп келеді
Қазақстандықтар елдің даму бағытын жоғары деңгейде оң бағалауын сақтап отыр
Nuctech жобасы Қазақстанның транзиттік әлеуетін арттыруға серпін береді
От хроники к будущему: в Казахстане стартует кинолекторий ТРК Президента
Қоғамдық топтасу: әлеуметтік сауалнама Президент саясатына ауқымды қолдауды айқындады
Мемлекет басшысы «Кітап оқу мәдениетін дамыту және зерделі ұлт қалыптастыру жөніндегі шаралар туралы» Жарлыққа қол қойды
Казахстан оказался самым экономным потребителем воды в Центральной Азии
БҚО-да ветеринариялық және фитосанитариялық бақылау бекеттері жаңғыртылуда
Қасым-Жомарт Тоқаев елімізге мемлекеттік сапармен келген Түркия Президенті Режеп Тайип Ердоғанды қарсы алды
БҚО-да полиция қызметкерлері қорқытып ақша талап ету дерегінің жолын кесті
Модульдік оқу: Батыс Қазақстан облысында «AMANAT» партиясының белсенділері өз құзыреттерін дамытуда
