Кіру086 және 083 анықтамаларын алу жолы жеңілдетіледі
Нұр-Сұлтан, BAQ.KZ. Қазақстанда ең маңызды медициналық анықтамаларды алу процедурасы жеңілдетіледі. Бұл туралы Денсаулық сақтау министрлігі мәлімдеді.
«Бұдан былай жұмысқа орналасу немесе оқуға тапсыру кезінде медициналық тексеруден өту жеңіл әрі жылдам болады. Ондаған маманның кеңесіне жүгініп, кабинеттен-кабинетке жүгірудің еш негізі жоқ», – деді Денсаулық сақтау министрлігі Республикалық денсаулық сақтауды дамыту орталығының бас директоры Айнұр Айыпханова.
Енді медициналық тексеру тек үш кезеңнен тұрады:
1) учаскелік терапевт-дәрігердің немесе жалпы практика дәрігерінің консультациясы;
2) психиатр-наркологтың консультациясы;
3) флюорография
«Учаскелік дәрігер қандай да бір ауру болуы мүмкін десе ғана күдікті, қосымша басқа дәрігерлердің тексеруіне жібереді. Бірақ көп жағдайда 086У анықтамасы үшін ондаған дәрігердің қарауы мен мөртаңбасының қажеті жоқ», – дейді А.Айыпханова.
Сондай-ақ көлікті басқару құқығын алу кезінде талап етілетін 083 және қаруды алып жүру құқығына қажет 108 анықтамаларын алу үшін медициналық тексеруден өту процесі де өзгереді.
«Біз екі жағдайды қарастыра отырып, жеті дәрігердің орнына үш маманның ғана кеңесі жеткілікті деп таныдық: терапевт, офтальмолог және психиатр-наркологтың консультациясы. Жаңа өзгерістер Әділет министрлігінде тексеріліп, бір немесе үш айдан соң қолданысқа енгізіледі», – деп нақтылады Айнұр Айыпханова.
Дереккөз: BAQ.KZ
Соңғы жаңалықтар
Экология, өндіріс және медицина: партиялардың сайлау науқанында көтерген басты тақырыбы қандай?
Теректі ауданында «Адал еңбек – адал табыс» атты экологиялық акция өтті
Шыңғырлау ауданында мемлекеттік қызметшілер арасында тимбилдинг іс-шарасы өтті
Шағырлой ауылында «Әділдік пен адалдық – өмірлік ұстаным» атты таным сағаты өтті
Ең төменгі жалақы, алимент, экология: жеті партия сайлаушылармен нені талқылап жатыр?
Елімізде жаз басталғалы бері қайта жаңғыртудан өткен 70 теміржол вокзалы ашылды
Оралда азық-түлік дүкеніне қарақшылық шабуыл жасаған күдікті ұсталды
Жүгіру, пікірталас және еркін форматтағы әңгіме: Қазақстандағы сайлауалды дода қалай өтіп жатыр?
Астанада 6-9 тамыз аралығында Орталық Азиядағы ең ірі гик-мәдениет фестивалі – Comic Con Astana 2026 өтеді
ОСК Құрылтай сайлауына арналған дауыс беру бюллетенінің үлгісін көрсетті
БҚО-да ірі инвестициялық жобаларды қаржыландыру мәселесі талқыланды
Пікір үстеу