«ҚОРШАҒАН ОРТАНЫҢ ҚАЛ-КҮЙІ ЭКОЛОГТАРДЫҢ ҒАНА ПРОБЛЕМАСЫ ЕМЕС»

Қоршаған ортаны сауықтыруға ықпал етуде және экономиканың тұрақты дамуына жағдай жасауда табиғатты пайдалануды кешенді және үйлесімді түрде қалыптастыру – әлем елдерінің алдында тұрған маңызды мәселе. Экономикалық дамуда біртұтас әлеуметтік-экономикалық және экологиялық көзқарас қалыптастыру қажет. Редакциямызға арнайы келген Батыс ан облысының экологиялық қауымдастығының мүшесі, «ҚазИИТУ» ғылым-білім кешенінің оқытушысы Ерлан Нағымұлы Хұсайынов осы тақырып аясында сұқбат беріп, халықтың экологиялық мәдениетін көтеру жолдары туралы ой бөлісті.

– Ерлан Нағымұлы, соңғы жылдары экология мәселелері туралы жиі айтылып жүр. Экологиямыздың бұзылу себебі неде деп ойлайсыз?

– Алдымен «Экология» деген түсінікке жете мән беруіміз керек. Экология –биологияның ғылыми бір саласы. Зерттеушілер «экология» мамандығын болашақта сұраныстан қалмайтын мамандықтардың тізіміне енгізіп отыр. Өйткені, қоршаған ортаны сақтау мәселелері – бүгінгі күннің өзекті тақырыбы. Кішкентай қалдықтан үлкен қалдық жиналады. Қазақстан экологиясының бұзылуына Кеңес одағы кезінде жүргізілген өндірістік-шаруашылық қызмет пен ғылыми негізсіз жасалған жобалардың ықпалы зор болғаны белгілі жайт. Бұған қазақ даласын ядролық сынақ аймағына айналғанын қосыңыз. Атмосферадағы зиянды қалдықтардың өсуі, жаһандық жылынудың себебінен кәсіби экологтарға сұраныс арта береді.

Ел Президенті Қасым Жомарт Кемелұлы осыдан берер ай бұрын экология, геология және табиғи ресурстар министрі Мағзұм Мырзағалиевті қабылдағанда қоршаған ортаны қорғау мәселесіне назар аударып, халықтың экологиялық мәдениеттілігін арттыру мәселесін көтерді. Су және өсімдік әлемін қорғау, браконьерлікпен және орманды заңсыз отаумен күрес жүргізуді айрықша бақылауда ұстауды баршаның назарына салды. Адам баласы табиғатсыз өмір сүре алмайды. Таза ауа, су, ауқаттануымыз барлығы табиғаттың сыйы. Біз де оған жауап қайтара білуіміз керек. Табиғатпен етене жақын өмір сүргендіктен, оның байлығын пайдаланумен қатар, табиғат аясын ұрпақтан-ұрпаққа таза күйінде сақтап, аманаттау, экологиялық қауіпсіздікті сақтау адамзаттың басты міндеті болуы керек. Адамдардың экологиялық мәдениетінің төмендігі қоршаған ортаның ластануына әкеледі.

Жалғасын «Жайық үні-Жизнь города» газетінің №30 санынан оқи аласыздар

Эльмира НҰҒМАНОВА

Версия для печати