КіруЖаңашыл жас маман
Өз заманында ұлттың мүддесін ойлаған ақын Мағжан Жұмабаев «Мен жастарға сенемін» деп, бекер айтпаса керек. Бүгінгі қоғамда егемен елдің жарқын болашағы іспетті дарынды қыз-жігіттер аз емес. М.Мәметова атындағы №27 физика-математика бағытындағы мектеп-лицейінің жас ұстазы Елжан Есетов күрделі де қызықты математика пәнін өскелең ұрпаққа жете меңгертуге еңбек сіңіруде.
Елжан Нұрлыханұлы ─ өз пәнін теориялық және әдістемелік жағынан терең меңгерген, жас болса да кәсіби деңгейі жоғары ұстаз. Әдістемелік тақырыбына сай шығармашылықпен еңбектеніп жүр. Әр сабағына оқытудың жаңа технологияларын пайдалану арқылы оқушылардың танымдық қабілетін дамытып, жан-жақты ізденіске баулиды. Сабақтарын түрлендірІп, әр түрлі деңгейлік тапсырмаларды, техникалық оқу құралдарын қолданып, оқушылардың білім тереңіне бойлауына мүмкіндік жасайды.
Кейіпкеріміздің математиканы оқытудағы негізгі мақсаттарының бірі ─ әр баланың пәнге қызығушылық қабілетін дамыту. Елжан педагогика саласында үш жылға жуық уақыт жұмыс жасаса да, бірқатар жетістіктерге қол жеткізіп үлгерген. «Жас математик ─ 2015» олимпиадасынан І орын, математика пәні мұғалімдерінің ІV қалалық шығармашылық байқауынан және «Математикалық регата» сайысынан алғыс хат иеленіп, қалалық білім беру бөлімінің Құрмет грамотасымен марапатталған. Жас ұстаздан тәлім алған шәкірттері де қалалық, облыстық, республикалық білім додаларында жүлдегер атанған. Сонымен қатар Елжан Нұрлыханұлының «Логика және тапқырлық» атты қолданбалы курсы, «Заманауи үздік технологиялар ─ жас мамандар мектебінде» атты жас математиктерге арналған әдістемелік құралы қала мектептеріне таратылыпты.
Әр сабағы жаңашылдығымен, биік адами қасиеттерге баулитын мазмұндылығымен ерекшеленетін жас жуырда «Дарынды балаларға ─ талантты ұстаз» атты ХІІ республикалық педагогикалық олимпиаданың қалалық кезеңінде жеңіске жеткен. Енді талантты ұстаз аталмыш байқаудың Алматыда өтетін республикалық кезеңінде облыс намысын қорғайды. Әріптестері Елжанның үлкен сыннан сүрінбей өтіп, бас жүлдемен оралуынан үмітті.
Ләззат САЛАУАТҚЫЗЫ
Соңғы жаңалықтар
«Elge qyzmet: жауапкершілік пен мүмкіндік» тақырыбында жастармен кездесу өтті
Мемлекеттік қызметтер: жүйелі мәселелерді шешу және сапаны арттыру
Еліміздің батысында көпсатылы командалық-штабтық оқу-жаттығу басталды
2028 жылғы шілдеге дейін еліміздегі 2,6 мыңнан астам шағын жинақты ауыл мектебі жасанды интеллект енгізу жобасымен қамтылады
Спорт саласында сыбайлас жемқорлық тәуекелдерінің алдын алу мәселелері талқыланды
Оралда Қорғаныс министрлігінің патриоттық акциясына 2 мыңға жуық адам қатысты
79,3% казахстанцев характеризуют обстановку в стране как благополучную или стабильную
Мемлекеттік қызметшілерге сыбайлас жемқорлыққа қарсы менеджмент және комплаенс мәселелері түсіндірілді
Денсаулық сақтау саласындағы сыбайлас жемқорлық тәуекелдерінің алдын алу
Сыбайлас жемқорлық тәуекелдерін ішкі талдау мәселелері талқыланды
«ЖАЙЫҚ ЖҮЙРІГІ – 2026»: Жүйріктер додасының жеңімпаздары анықталды
Оралда алғаш рет «JAIYQ SAZY» халықаралық этнофестивалі өтті
Оралда қала күніне орай І халықаралық «JAIYQ SAZY» этнофестивалі өтті
ОБЛЫС ӘКІМІ РЕСПУБЛИКАЛЫҚ АРДАГЕРЛЕР КЕҢЕСІНІҢ ТӨРАҒАСЫ ӘБІЛҒАЗЫ ҚҰСАЙЫНОВПЕН КЕЗДЕСТІ
Президент VІ Дүниежүзілік көшпенділер ойындарының жеңімпаздары мен жүлдегерлерін марапаттады
Строительство АЭС создаст новые возможности для специалистов и бизнеса в Казахстане – эксперт
Не только физики-ядерщики: студентам рассказали, кому найдется работа на будущих АЭС Казахстана
Пікір үстеу