КіруБҚО-ДА 100 АДАМ ҚЫЗЫЛША ЖҰҚТЫРҒАН
Батыс Қазақстан облысында биыл аса алаңдаушылық туғызып отырған қызылша ауруының 100 жағдайы тіркелген.
Сырқаттанғандардың ішінде 14 жасқа дейінгі балалар арасында 43 жағдай, 1 жасқа дейінгі балалар арасында – 19 жағдай тіркеліп отыр. Қызылша жұқтырғандардың ең көбі облыс орталығының тұрғындары.
Сала мамандары ошақтарда індетке қарсы іс-шаралардың барлық кешенін жүргізді. Сырқаттанғандармен байланыста болған 1515 адамға медициналық бақылау орнатылған.Эпидемиологиялық көрсеткіштер бойынша қызылшаға қарсы 166 адам егілді. Оның ішінде 2 бала (үй ошағында) бас тартқандар қатарынан және екпеден бас тартқандардың арасында барлығы 39 бала қызылшаға қарсы егілді.
– Қызылша аурушаңдығының алдын алу мақсатында облыста 1 сәуірден бастап халықтың қауіпті топтарына қызылшаға қарсы қосымша иммундау жүргізілуде. Әсіресе 9-10 айлық балалар мен медицина қызметкерлері бірінші назарға алынды. Сәуір-мамыр айларында барлығы 6273 адам егуге жоспарланған болатын. Оның 6086-сы иммундаумен қамтылды. Бұл 97 пайызды құрайды. 9-10 айлық балалардың ішінде 3161 бала жоспарланған болса, соның 3082-сі, яғни 97,5 пайызы егілді. Ал 2995 медицина қызметкерінің 2887-сі (96,4%) егілді, – деді Батыс Қазақстан облысының тауарлар мен көрсетілетін қызметтердің сапасы мен қауіпсіздігін бақылау департаментінің басшысы Ринат Құбатаев.
Эльмира НҰҒМАНОВА
Версия для печатиСоңғы жаңалықтар
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
Пікір үстеу