Кіру«ҚҰТТЫ КҮНІ» ӘКІМІМ ҚАБЫЛДАДЫ
Бүгін, жыл он екі айдың сұлтаны – Рамазан айының алғашқы күні Батыс Қазақстан облысының әкімі, Ақ Жайығымның көшбасшысы Алтай Сейдірұлы Көлгіновтің жеке қабылдауында болдым.
Өңір басшысы таяуда абыройымды асқақтатып, мерейімді өсірген Халықаралық «Алаш» әдеби сыйлығыммен барша батысқазақстандықтар атынан тағы да құттықтап, құшағымды қырмызы гүлге толтырды.
– Оқырманға терең ой салатын шығармашылық еңбегіңіздің дер шағында еленгені, ескерілгені өте дұрыс болды. Естігенде қатты қуандым. Біз сізбен мақтанамыз! Елге деген патриоттық сезіміңізді, адами қасиетіңізді, ұлтжанды азаматша екеніңізді жастарға үлгі етеміз. Қаламгерлігіңізбен қоса, «Жайық үні» газетінің де абыройын беделіңіз арқылы арттырып, БАҚ саласында жемісті еңбек етіп келесіз. Алдағы уақытта та жүйткітіп жаза беріңіз. Сіз елге, келешекке, көркем әдебиетке керексіз, – деді жылы жүздесу барысында Алтай Сейдірұлы.
Осылай деп жазушысын жадыратқан, Миратайын марқайтқан облыс басшысына алғыстан басқа не айтасыз?! Алладан амандық қана тілеймін Көлгіновтер әулетіне. «Қыз тілегі – мақпал» деп, барша халқыма да, Жайықтағы жұртыма да мың алғыс! «Сабақты ине сәтімен» деп, негізі мені 2 мамыр күні қабылдайтын еді өңір басшысы. Өзіме тікелей қатысты себептермен сәті нақ бүгін, Ораза Айттың алғашқы жұлдызы күні түсті. (Мұның бәрін шашбауымды көтеріп қасымда жүрген БҚО мәдениет басқармасының басшысы Қадырболат Қабдырұлы жақсы біледі). Бұл да Көктегі Тәңірдің Оразаға сақтаған сый-құрметі шығар маған деген. Әрине, «құтты күні» Әкімім қабылдады деп жақсылыққа жорыдым аталарыма сыйынып, салт-жоралғыға иіліп… Арайлы таңдар, жұлдызды сәттер көп болғай, бауырларым бәрімізде! Аман болайықшы…
Мира ШҮЙІНШӘЛИЕВА
Версия для печатиСоңғы жаңалықтар
Экология, өндіріс және медицина: партиялардың сайлау науқанында көтерген басты тақырыбы қандай?
Теректі ауданында «Адал еңбек – адал табыс» атты экологиялық акция өтті
Шыңғырлау ауданында мемлекеттік қызметшілер арасында тимбилдинг іс-шарасы өтті
Шағырлой ауылында «Әділдік пен адалдық – өмірлік ұстаным» атты таным сағаты өтті
Ең төменгі жалақы, алимент, экология: жеті партия сайлаушылармен нені талқылап жатыр?
Елімізде жаз басталғалы бері қайта жаңғыртудан өткен 70 теміржол вокзалы ашылды
Оралда азық-түлік дүкеніне қарақшылық шабуыл жасаған күдікті ұсталды
Жүгіру, пікірталас және еркін форматтағы әңгіме: Қазақстандағы сайлауалды дода қалай өтіп жатыр?
Астанада 6-9 тамыз аралығында Орталық Азиядағы ең ірі гик-мәдениет фестивалі – Comic Con Astana 2026 өтеді
ОСК Құрылтай сайлауына арналған дауыс беру бюллетенінің үлгісін көрсетті
БҚО-да ірі инвестициялық жобаларды қаржыландыру мәселесі талқыланды
Пікір үстеу