КіруЖетістікке толы жыл
Өткен жылы Батыс Қазақстан облысында денсаулық сақтау саласына мемлекеттік қазынадан 15,2 млрд. теңге бөлінген. Сала мамандарының таратқан ақпаратына сүйенсек, 2017 жылы өңірде жалпы өлім-жітім көрсеткіші 4,1 пайызға төмендеген.
Облыстық денсаулық сақтау басқармасының басшысы Қанат Төсекбаевтың айтуынша, мемлекеттен бөлінген қаражат толықтай игеріліп, мемлекеттік бағдарламалар жоспарына сәйкес атқарылған жұмыстар өз нәтижесін берген. Атап айтсақ, 2016 жылы екі ана өлімі тіркелсе, өткен жылы бір жағдай орын алған. Нәрестелердің өлім-жітім көрсеткіші 12,2 пайызға төмендесе, қатерлі дертке шалдыққандар саны 3,1 пайызға азайған, өкпе дертіне шалдыққандар бұрынғыша қалып, қан айналымы жүйесі ауруларынан өлім-жітім ғана 2,8 пайызға өскен. Бұл орайда облыстың бас дәрігері денсаулық сақтау саласында мемлекеттік-жекешелік әріптестік жобалары қолға алынғандығын да тілге тиек етті.
– 2016-2019 жылдарға арналған «Денсаулық» мемлекеттік бағдарламасын жүзеге асыру мақсатында іс-шаралар жоспары құрылды. Яғни 2019 жылға қарай тұрғындардың өмір сүру ұзақтығын 73 жасқа жеткізу мақсаты тұр. Сонымен қатар өткен жылы облыстық клиникалық ауруханаға магниттік-резонанстық томографты лизингке сатып алу бойынша конкурстық рәсімдер аяқталып, нәтижесінде «Дал Казахстан» ЖШС жеңімпаз атанды. Шыңғырлау ауданы Лубен ауылында ауысымына 35 адамды қабылдайтын дәрігерлік амбулаториясына 167,356 млн. теңгеге бағаланған жобаға экономикалық қорытынды алу үшін құжаттар облыстық экономика және бюджеттік жоспарлау басқармасына жолданды. Қаламыздағы бірқатар қалалық емхананы күрделі жөндеуден өткізу бойынша да осындай жұмыстар атқарылды. Облыстық әкімдікте өткен өзара басқосуда 350 млн. теңгеге компьютерлік томограф сатып алу және қалалық жедел мединицалық стансасын сенімгерлік басқаруға беру туралы ұсыныстар қолдау тапты, – дейді облыстық денсаулық сақтау басқармасының басшысы Қанат Дүйсенбайұлы.
Жаңа жүйе жұмысты жеңілдетеді
Өткен жылы алғашқы көмек ұйымдастырушы медициналық мекемелерде бұған дейін қолайсыздық тудырған ұзын-сонар кезекті азайту мақсатында шаһардағы барлық емханаларында «Электронды табло» жүйесі енгізілді. Сондай-ақ аталған сала жүйесін ақпараттандыру бойынша жаңа ситуациялық орталықта жедел медициналық басқарудың автоматтандырылған жүйесі жаңғыртылды. Бұған дейін дәрігерлер, медициналық көмек керек жанға 10-15 минут аралығында келетін болса енді межелі жерге 9 минутта жететін болады.Қалалық жедел жәрдем стансасы директорының орынбасары Елена Грищенко бұдан былай мереке күндері қосымша алты топтың жұмысқа сақадай-сай тұратынын айтады.
– Мұны жаңа жылдан бастап 7 жаңа көліктің жұмысқа кіріскенімен байланыстырамыз. Техникалар жаңартылып, новигаторлар орналасқан жедел көліктер қызметке кірісті. Барлығы 24 бригада жұмысқа шығады. Кешкісін қосымша тағы алты бригада қосылады. Кешкі 20.00-ге дейін қаладағы 6 емханада өздерінің бригадалары да жұмыс жасайды. Қазір стансада 40 жедел жәрдем көлігі бар. Диспетчерлік қызмет автоматтандырылып, қалалық жедел жәрдем стансасы базасында ситуациялық орталық құрылды. Орталық қала ғана емес, әр аудандағы жедел қызмет топтарының қайда жүргенін бақылап отыруға жағдай жасылды,– дейді Елена Грищенко.
Сондай-ақ өлкеде өткен жылы 19 денсаулық сақтау нысаны күрделі жөндеуден өткен. Ақ қалатты абзал жандар жұмысының сапасын арттыру жолында өңірде қағазсыз құжат айналымын енгізу бағытында пилоттық жоба қолға алынған. Бүгінде №3 қалалық емхана мен облыстық клиникалық аурухананың терапевтік бөлімшесінде дайындық жұмыстары қолға алынған. Алдағы жарты жылда толық жұмыс осы режимге бағытталмақ екен.
Айнұр ҚҰРМАШЕВА
Версия для печатиСоңғы жаңалықтар
«Elge qyzmet: жауапкершілік пен мүмкіндік» тақырыбында жастармен кездесу өтті
Мемлекеттік қызметтер: жүйелі мәселелерді шешу және сапаны арттыру
Еліміздің батысында көпсатылы командалық-штабтық оқу-жаттығу басталды
2028 жылғы шілдеге дейін еліміздегі 2,6 мыңнан астам шағын жинақты ауыл мектебі жасанды интеллект енгізу жобасымен қамтылады
Спорт саласында сыбайлас жемқорлық тәуекелдерінің алдын алу мәселелері талқыланды
Оралда Қорғаныс министрлігінің патриоттық акциясына 2 мыңға жуық адам қатысты
79,3% казахстанцев характеризуют обстановку в стране как благополучную или стабильную
Мемлекеттік қызметшілерге сыбайлас жемқорлыққа қарсы менеджмент және комплаенс мәселелері түсіндірілді
Денсаулық сақтау саласындағы сыбайлас жемқорлық тәуекелдерінің алдын алу
Сыбайлас жемқорлық тәуекелдерін ішкі талдау мәселелері талқыланды
«ЖАЙЫҚ ЖҮЙРІГІ – 2026»: Жүйріктер додасының жеңімпаздары анықталды
Оралда алғаш рет «JAIYQ SAZY» халықаралық этнофестивалі өтті
Оралда қала күніне орай І халықаралық «JAIYQ SAZY» этнофестивалі өтті
ОБЛЫС ӘКІМІ РЕСПУБЛИКАЛЫҚ АРДАГЕРЛЕР КЕҢЕСІНІҢ ТӨРАҒАСЫ ӘБІЛҒАЗЫ ҚҰСАЙЫНОВПЕН КЕЗДЕСТІ
Президент VІ Дүниежүзілік көшпенділер ойындарының жеңімпаздары мен жүлдегерлерін марапаттады
Строительство АЭС создаст новые возможности для специалистов и бизнеса в Казахстане – эксперт
Не только физики-ядерщики: студентам рассказали, кому найдется работа на будущих АЭС Казахстана
Пікір үстеу