КіруОРАЛДАҒЫ «ЖЕЛАЕВ КОМБИНАТЫНАН» ӨРТ ШЫҚТЫ
Бүгін, 13 ақпан күні кешкі сағат 21.04-те Орал-Желаев трассасы 24 мекенжайындағы «Желаев комбинаты» АҚ-ның 3 қабатты әкімшілік ғимаратынан өрт шықты.
БҚО ТЖД баспасөз қызметінің мәліметінше, екінші қабаттағы ас үй жайы өртенген. Жалын шарпыған аумақ 50 шаршы метрді құрады. Өрт сөндірушілер келгенше, нысанның мемлекеттік емес өртке қарсы қызметі күшімен 15 қызметкер қауіпсіз орынға шығарылған.
Оқиға орнына ТЖД-ның Өрт сөндіру және апаттық-құтқару жұмысы бөлімшесінен 52 өрт сөндіруші мен 14 техника және Жедел құтқару жасағынан 3 құтқарушы мен 1 техника жіберілген. Жалын сағат 22.02-де ауыздықталып, 22.21-де толық сөндірілген.
Алдын ала болжам бойынша өрттің тұтануы электр құралдарын қолдану кезінде өрт қауіпсіздігі ережесін сақтамаудан болуы мүмкін.
БҚО денсаулық сақтау басқармасының баспасөз қызметкері Айнагүл Сақпосынова өрттен зардап шеккен 3 адамның қалалық көпбейінді ауруханаға жеткізілгенін хабарлады.
Елмұра АСХАТҚЫЗЫ,
Суреттерді түсірген Александр БРИКС
Версия для печатиСоңғы жаңалықтар
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
Пікір үстеу