КіруЖАС АҚЫНДАР МҮШАЙРАСЫ ӨТТІ
Жастар жылына орай таланттарды қолдап, шығармашылығын шыңдау мақсатында М.Өтемісов атындағы Батыс Қазақстан мемлекеттік университетінде қазақ филологиясы кафедрасының ұйымдастыруымен университетішілік жас ақындар мүшайрасы өтті. Жыр кешінің шымылдығын қазақ филологиясы кафедрасының меңгерушісі Индира Сағындыққызы мен факультет деканының тәрбие ісі жөніндегі орынбасары Ганмиркүн Ганмирханқызы ашып, студент ақындарымызға шығармашылық шабыт пен сәттілік тіледі.
Үш кезеңнен тұратын жыр додасында қатысушылар патриоттық тақырыптағы өлеңдерімен елге деген сүйіспеншілігін жеткізумен қатар, Елбасы Жолдауларында көтерілген мәселелерді жырға қосса, «Поэзия – сезімдер патшалығы» атты бөлімде сыр мен сезімге толы туындыларын оқыды. Жыр додасында жас ақындардың әртүрлі тақырыптағы өлеңдері де бір серпілтті. Сонымен қатар ақындарымыз сол жерден берілген сөздерге шумақтар ойлап, өлең құрап, шеберлік пен таным көкжиектерінің кеңдігін таныта алды. Филология факультетінің деканы Әскен Самұратұлы төрағалық жасаған, республикалық айтыстардың жүлдегері, ақын Талғат Мықи мен танымал ән авторларының бірі Орынбек Меңдіқұл қостаған қазылар алқасы жыр сайысына қазылық жасады.
Жыр кешінің қорытындысы бойынша бас жүлдені филология факультетінің 2 курс студенті Асылбекова Алмаш иеленді. Жүлделі I орынды Сламғали Аманжол (филология факультеті), II орынды Бахытжанова Айзада (филология факультеті), III орынды Асан Жақсылық (жаратылыстану-география факультеті) иеленіп, университет ректорының атынан дипломдар табыс етіліп, бағалы сыйлықтармен марапатталды. Рухани-мәдени кеште өзге де студент ақындардың жырлары оқылып, әсем әндер орындалып, көңіл сарайын бір серпілткен тағылымды кештің куәсі болдық.
Рита Сұлтанғалиева, М. Өтемісов атындағы БҚМУ баспасөз қызметі
Жансая Мусина, тәуелсіз сарапшы: Мұндай шаралар жиі өтіп тұру керек деген ойдамын. Жастар шығармашылықтарын осылай шыңдайды. Болашақ үлкен жыр додаларында топ жаруы үшін үлкен дайындық. Студент ақындар бірден жарқ етіп шықпауы мүмкін. Талантты шыңдаса ғана нәтиже әкелері сөзсіз. Жас ақындарымыздың мазмұнды өлеңдерін көріп қуандым. Өлең құрау техникасы мен көркемдік ерекшелігі де көңіл қуантады. Жастар арасында шынайы рухани жаңғыру осындай тағылымды шаралар арқылы ұлықталады деп ойлаймын.
Версия для печатиСоңғы жаңалықтар
Мемлекеттік қызметтер: жүйелі мәселелерді шешу және сапаны арттыру
Еліміздің батысында көпсатылы командалық-штабтық оқу-жаттығу басталды
2028 жылғы шілдеге дейін еліміздегі 2,6 мыңнан астам шағын жинақты ауыл мектебі жасанды интеллект енгізу жобасымен қамтылады
Спорт саласында сыбайлас жемқорлық тәуекелдерінің алдын алу мәселелері талқыланды
Оралда Қорғаныс министрлігінің патриоттық акциясына 2 мыңға жуық адам қатысты
79,3% казахстанцев характеризуют обстановку в стране как благополучную или стабильную
Мемлекеттік қызметшілерге сыбайлас жемқорлыққа қарсы менеджмент және комплаенс мәселелері түсіндірілді
Денсаулық сақтау саласындағы сыбайлас жемқорлық тәуекелдерінің алдын алу
Сыбайлас жемқорлық тәуекелдерін ішкі талдау мәселелері талқыланды
«ЖАЙЫҚ ЖҮЙРІГІ – 2026»: Жүйріктер додасының жеңімпаздары анықталды
Оралда алғаш рет «JAIYQ SAZY» халықаралық этнофестивалі өтті
Оралда қала күніне орай І халықаралық «JAIYQ SAZY» этнофестивалі өтті
ОБЛЫС ӘКІМІ РЕСПУБЛИКАЛЫҚ АРДАГЕРЛЕР КЕҢЕСІНІҢ ТӨРАҒАСЫ ӘБІЛҒАЗЫ ҚҰСАЙЫНОВПЕН КЕЗДЕСТІ
Президент VІ Дүниежүзілік көшпенділер ойындарының жеңімпаздары мен жүлдегерлерін марапаттады
Строительство АЭС создаст новые возможности для специалистов и бизнеса в Казахстане – эксперт
Не только физики-ядерщики: студентам рассказали, кому найдется работа на будущих АЭС Казахстана
Мемлекет басшысы теннисші Елена Рыбакинаны «Әлемнің бірінші ракеткасы» атағына ие болуымен құттықтады
Пікір үстеу